नेपाली काँग्रेसका सांसद बद्रिप्रसाद पाण्डेले सरकारले सहकारी ठगि प्रकरणमा उपप्रधान एवं गृहमन्त्री रवि लामिछानेमाथि छानबिन गर्न संसदीय छानबिन समिति गठन गर्नुको विकल्प नरहेको बताउनुभएको छ ।

आईतवार संसद भवन परिसरमा सञ्चारकर्मीहरुसँग कुरा गर्दै उहाँले काँग्रेसले संसदमा विषयवस्तु राख्न दिएको कुरालाई पछि हटेको भन्ने नसोच्न सरकारको ध्यानाकर्षण गराउनु भयो । उहाँले सरकारबाट संसदीय समिति गठन गर्ने कुनै प्रयास र सहमति नभएको जिकिर गर्नुभयो । उहाँले काँग्रेसको उक्त माग सरकारले नसुनेको खण्डमा कठोर ढंगले प्रश्तुत हुने चेतावनी दिनुभयो । उहाँले प्रधानमन्त्री पुष्पकमल दाहाल र प्रहरी महानिरीक्षक वसन्तबहादुर कुँवरले गृहमन्त्रीलाई क्लिन चिट दिनुले पनि झनै शंका उब्जिएको बताउनु भयो । 
उहाँले भन्नुभयो, ‘सहमति भएको छैन, सरकारबाट कुनै प्रयास पनि भएको छैन । समिति बनाउने कुरालाई हामीले आज पनि यथावत राखेका छौँ । सरकारले सुन्दैन भने यो भन्दा अगाडि बढेर अझ हामी कठोर ढंगले प्रश्तुत हुन्छौँ । संसदीय समिति गठन गर्नुको विकल्प छैन । किनभने प्रधानमन्त्रीले पनि क्लिन चिट दिनुभएको छ, प्रहरी प्रमुखले पनि समितिमा पुगेर क्लिन चिट दिनुभएको छ, यसको मतलव सरकार र सरकारका निकायबाट अनुसन्धान हुन सक्दैन, हुँदैन भन्ने पुष्टि भएको छ । अनुसन्धान गर्नुपर्ने निकायले नै अनुसन्धानको ढोका बन्द गरेपछि अब संसदीय समितिबाट छानबिन गर्नुको विकल्प रहेन । यो पछिल्लो घटनाक्रमले झनै संसदीय समिति गठन गर्नुपर्ने र संसदीय छानबिन समितिबाटै छानबिन हुनपर्ने औचित्य बढेको महशुस भएको छ ।’
उहाँले अनुसन्धान गर्नुपर्ने निकायले नै अनुसन्धानको ढोका बन्द गरेपछि अब संसदीय समितिबाट छानबिन गर्नुको विकल्प नरहेको उहाँको जिकिर गर्नुभयो ।

—न्युज एजेन्सी नेपाल

नेपाली कांग्रेससांसद बद्रिप्रसाद पाण्डे

प्रकाशित मिति: सोमवार, चैत्र १९, २०८०, ६:१५ बिहान

लेखक: समाचारपाटी