काठमाडौँ । मिस नेपाल श्रीच्छा प्रधानलेआफुलाई नेपाली पहिरनमै रुचि रहेको बताउनुभएकाे छ । नेपाली पहिरनमा ढाका बढी मनपर्ने र प्रयोग गर्ने बताउनुभएकाे उहाँले आकर्षक, सजिलो र उचित मुल्यमा नेपाली पहिरन मिल्ने भएकोले सबैलाई प्रयोग गर्न समेत सुझाउनुभएकाे छ ।

शुक्रबारबाट ललितपुरको जावलाखेलस्थित संचालनमा आएको क्वीन कलेक्सन उद्घाटन गर्दै प्रधानले नेपाली पहिरन धेरै कुरामा सोचेर, सजिलो र स्वास्थ्यको दृष्टिले समेत निर्माण हुने भएकोले प्रयोग गर्न सजिलो समेत रहेको उहाँको भनाई थियो ।
‘म नेपाली बुटिकहरुकै फेसन प्रयोग गर्छु । किनभने त्यहाँ मुल्य सुहाउदो र सबैले तिर्न सक्ने हुन्छ’, उहाँले भन्नुभयाे ‘बुटिकमा आफुले चाँहेजस्तो डिजाइन छान्न र बनाउन सकिन्छ ।’ग्राहक प्रतिको जिम्मेवारीमा अन्य भन्दा बुटिक अलि बढी जिम्बेवार हुने गरेको आफुले पाएको उहाँले सुनाउनुभयाे ।

‘बुटिका पहिरन एकदमै कलरफुल, युनिक डिजाइन हुन्छ । अहिलेका हामी युवाले पहिलेका कल्चर पहिरन प्रयोग गर्दा अर्कै किसिमको गर्व फिल हुन्छ । त्यही कारणले पनि म नेपाली पहिरनमा रमाउछु’उहाँले थप्नुभयाे । प्रधान ‘मिस वल्र्ड’को तयारी गरिरहनुभएकाे छ । ‘मिस वल्र्ड’को प्लेटर्फममा पनि उहाँले नेपाली बिभिन्न कलासंस्कृति र बातावरण झल्कने पहिरन
प्रयोग गर्ने सोचमा हुनुहुन्छ । त्यसका लागि उहाँले नेपाली डिजाइनर, त्यो पनि आइआइएफटी स्कूल अफ फेसनसँगको छलफलमा हुनुहुन्छ । मिस नेपालमा पनि आइआइएफटीको सहकार्य रहेकोले मिस वल्र्डका लागि सहकार्य गर्ने सोच बनाएको उहाँले बताउनुभयाे । क्वीन कलेक्सन मेनका रानाले संचालनमा ल्याउनुभएकाे हाे । मेनका आइआइएफटी स्कूल ओफ
फेसन ललितपुरकी बिद्यार्थी हुनुहुन्छ । आफुले अध्यायन गरेर सिकेको कुरा प्रयोग गर्ने र फेसनमा सेवा दिने उदेश्यले क्वीन कलेक्सन संचालनमा ल्याएको रानालले बताउनुभयाे ।

‘मलाई सानैदेखि फेसनमा केही गर्नुपर्छ भन्ने हुटहुटी थियो । फेसनको बिभिन्न कुरा बुझ्दै जाँदा आइआइएफटी स्कूल अफ फेसनसँग जोडिए’, रानाले भन्नुभयाे ‘त्यहाँ सिकेको कुरा बाहिर ल्याउन र फेसनमा नयाँ टेष्ट दिन बुटिक खोले ।’ फेसनमा गुणस्तरिय र आकर्षक पहिरन सस्तो मुल्यामा उपलब्ध दिन बुटिक संचालन ल्याएको उहाँको भनाई छ । ‘मेरो बुटिक भिआइपीदेखि सर्वसाधारणसम्म सबैका लागि हो । मेरो उदेश्य फेसनमा सबैको पाैँच होस् भन्ने छ’ उहाँले अगाडि थप्नुभयाे ‘हामी
मानिसको इच्छा अनुसारको डिजाइन समेत तयार गरेर दिन्छौ ।’ कार्यक्रममा आइआइएफटी स्कूल ओफ फेसन इन्तेरिओर डिजाइनका कार्यकारी प्रबन्धक बिपना थापाले आफ्नो स्कुलको बिद्यार्थीले ब्यवसायिक रुपमा अगाडि बढेको देख्दा खुसी लागेको बताउनुभयाे ।

उहाँले मेनकाको आट र क्रियासिलताबाट आफु प्रभावित भएको बताउँदै आवश्यक सहयोग गर्न तयार रहेको धारणा राख्नुभयाे । क्वीन कलेक्सनमा महिलाले फेसनका लागि सबै प्रकारको सेवा प्राप्त गर्न सक्नेछन् । नेपाली पहिरन र कल्चरलाई विशेष प्रथामिकता राखेको यो कलेक्सनमा कल्चरल, फर्मल, पार्टीवेयर, क्याजुअलदेखि सबै प्रकारको ड्रेस पाउन नयाँ बनाउन सकिनेछ ।

विश्व बजारमा चलेका र आकर्षक डिजाइन समेत उपलब्ध हुने बुटिकमा आफुलाई मनपर्ने डिजाइन उचित मुल्यमा तयार गर्न लगाउन पनि सकिनेछ । बुटिकले आफ्नो डिजाइनमा क्वालिटी र रंगसंयोजना समेत विशेष ध्यान दिने बताएको छ ।

मिस नेपाल श्रीच्छा प्रधानमिस वल्र्ड

प्रकाशित मिति: शनिबार, पुस ७, २०८०, ११:४७ बिहान

लेखक: समाचारपाटी