काठमाडौँ । इजिप्टमा आयोजना भैरहेकोअन्तराष्ट्रिय सौन्दर्य प्रतियोगीता ‘मिस इन्टरकन्टिनेन्टल’मा नेपाल भोटिङ राउण्डको
टपटेन भित्र पर्न सफल भएको छ । प्रतियोगीतामा नेपालको प्रतिनिधित्व डा. आयुष्नोभा ढुङ्गानाले गरिरहेकी छन् । भोटिङ राउण्डमा टप हुनेले फाइनलमा सिधै टप फाइवमा प्रवेश पाउनेछन् ।

प्रतियोगीतामा ढुङ्गानाले लगाएको नेशनल कस्ट्युमले पनि चर्चा पाइरहेको छ । उनले नेशनल कस्ट्युमको रुपमा राष्ट्रिय फूल लालीगुराँसको गाउनमा शान्तिको प्रतीक परेवाको फ्युजन राखेर तयार पारेकी थिइन् । प्रतियोगीताको फाइनल ६ डिसेम्बर अर्थात भोली शुक्रबार हुँदैछ । प्रतियोगीतामा ५५ देशका प्रतिनिधि सहभागी छन् । डा. ढुङ्गानाले नेपालमा आयोजित ‘मिस इन्टरकन्टिनेन्टल नेपाल’कोशिर्ष उपाधि जितेपछि प्रतियोगीतामा सहभाग अवसर प्राप्त गरेकी हुन् । ढुङ्गानाले कलाकारिता र डाक्टर पेसा समेत एकसाथ अगाडि बढाइरहेकी छन् ।

मिस इन्टरकन्टिनेन्टलसौन्दर्य प्रतियोगीता

प्रकाशित मिति: बिहिबार, मंसिर २०, २०८१, ३:२७ बेलुका

लेखक: समाचारपाटी