भौतिक पूर्वाधार तथा यातायातमन्त्री देवेन्द्र दाहालले साउन १ गतेदेखि प्रदेश सरकारले नै सवारी चालक अनुमति पत्र (लाइसेन्स) छपाइ गर्ने बताउनुभएको छ ।

मंगलवार मन्त्रालयमा भौतिक पूर्वाधार तथा यातायात मन्त्रालयमा सातै प्रदेशका यातायात संवद्ध मन्त्री र सचिव सहितको विषयगत समितिको बैठकमा बोल्दै मन्त्री दाहालले यस्तो बताउनुभएको हो । उहाँले मेसिन किनेर कार्ड बनाउने की कार्ड किन्ने भन्ने निर्णय प्रदेश सरकारले नै गर्नुपर्ने बताउनु भयो । उहाँले वागमती र कोशी प्रदेशले प्रयास गरिसकेको भन्दै अब अन्य प्रदेशले पनि शुरु गर्नुपर्ने बताउनु भयो । आगामी कार्तिक मंसिरससम्म २५ लाख लाइसेन्स छपाइ सक्नुपर्ने बताउनु भयो । उहाँले जसमा अहिलेसम्म साढे ५ लाख मात्रै छापिएको र १९ लाख अझै छपाई गर्न बाँकी रहेको बताउनु भयो । 

उहाँले भन्नुभयो, ‘ साउनको १ गतेदेखि अब यो तपाईंहरुकै जिम्मामा हुन्छ । कार्ड किन्ने की मेसिन किन्ने की के गर्ने भन्ने अन्योल छ भन्नुभयो । त्यो तपाईंहरुकै जिम्माको कुरा हो । तपाईंहरुले कार्ड किन्नुहुन्छ की मेसिन किन्नुहुन्छ ? के गर्नुहुन्छ तपाईंहरुले निर्णय गर्नुपर्छ । के गर्दा दिन सकिन्छ ? ९ लाख दिन्छु भनेर डेढ लाख गर्नुभएन । वागमती धेरै अगाडि बढिसकेको छ । कोशीले त प्रयत्न पनि ग¥यो, अस्थायी लाइसेन्स बाँड्यो । कुरा ठूलो नभएपनि ठूलो विषय जस्तो भएको छ, लाइसेन्सको विषय । यसलाई अब हामीले कोशी प्रदेशको मन्त्रीजीले भनेको जस्तो फरफारक नै गरौँ भन्ने छ । फरफारक गर्नैपर्छ । हामीले साउन १ गतेदेखि अब कप्म्लिट्ली प्रदेशले ड्राइभिङ लाइसेन्सको जिम्मा लिऔँ । आगामी कार्तिक मंसिरससम्म हामीले २५ लाख छपाउनुपर्नेछ । जम्माजम्मी हामीले ५ लाख, साढे ५ लाख छापेका छौँ । १९ लाख त अझै छाप्न बाँकी छ । यसमा नेपाल सरकार ठूलो नोक्शानीमा पर्ने जोखिम छ । यसलाई हामीले जोगाउनुपर्ने जरुरी छ ।’उहाँले लाइसेन्स छपाई पूरा गर्न नसके सरकारलाई ठूलो नोक्शानी हुने अवस्था रहेको बताउनु भयो ।

—न्युज एजेन्सी नेपाल

यातायातमन्त्री देवेन्द्र दाहाल

प्रकाशित मिति: बुधबार, फाल्गुन २१, २०८१, ६:०२ बिहान

लेखक: समाचारपाटी