नेकपा एमालेका अध्यक्ष एवं पूर्वप्रधानमन्त्री केपी शर्मा ओलीले देशभर लालकिल्ला स्थापित गर्नुपर्ने बताउनुभएको छ । 
एमाले झापाको ११ औं अधिवेशन उद्घाटन गर्दै अध्यक्ष ओलीले देशभर नै लालकिल्ला बनाउनुपर्ने बताउनुभएको हो । उहाँले झापा जिल्ला २०४८ सालदेखि नै लालकिल्ला भएकाले लालकिल्लैको रुपमा रहने दाबी गर्नुभयो । उहाँले लालकिल्लामा कसैलाई हात हाल्न दिनु नहुने बताउनु भयो । उहाँले लालकिल्लामा हात हाल्ने कुचेष्टा नगर्न पनि चेतावनी दिनुभयो । उहाँले झापाबाट गल्तीले जितेर गएकाहरुको भुमिका कामै नलाग्ने रहेको बताउनु भयो । 

उहाँले भन्नुभयो, ‘झापा लालकिल्ला हो, लालकिल्ला रहनुपर्छ । आजको होइन हो, यो ०४८ सालको शुरुको लालकिल्ला हो । यो लालकिल्लामा कसैले हात हाल्न दिनु हुँदैन । हात हाल्ने कुचेष्ठा नगरे हुन्छ । यो लालकिल्ला हो, लालकिल्ला रहन्छ । राखिन्छ लालकिल्लाको रुपमा । गल्तीले जितेर गएकाहरुको माथि भुमिका हेर्नुस् त कस्तो छ । नचाहिने काम गरेका छन् । यो मात्रै होइन, अब त हामीले देशभर नै लालकिल्ला बनाउनुपर्छ । देशैभरी लालकिल्ला ।’

अध्यक्ष ओलीले  लोकतन्त्रको रक्षाका विषयमा फुर्ती नगर्न नेपाली काँग्रेसलाई चेतावनी समेत दिनुभयो ।

—न्युज एजेन्सी नेपाल

केपी शर्मा ओलीनेकपा एमाले

प्रकाशित मिति: शुक्रबार, चैत्र १६, २०८०, १०:५८ बिहान

लेखक: समाचारपाटी