काठमाडौं । आइतबार दिउँसो देशका तीनवटा प्रदेशमा वर्षा हुने भएको छ। मौसम पूर्वानुमान महाशाखाका अनुसार प्रदेश १, बागमती र गण्डकी प्रदेशको पहाडी भूभागका एक दुई स्थानमा हल्का वर्षाको सम्भावना रहेको हो।

यी प्रदेशका उच्च पहाडी भूभागका एक दुई स्थानमा हल्का हिमपातको पनि सम्भावना रहेको छ।

रातको समयमा प्रदेश १, बागमती र गण्डकी प्रदेशको उच्च पहाडी भूभागका एक दुई स्थानमा हल्का हिमपातको पनि सम्भावना रहेको महाशाखाले जनाएको छ।

यसैगरी प्रदेश १ का पहाडी भूभागमा आंशिकदेखि पूर्ण बदली रही बागमती र गण्डकी प्रदेशमा आंशिकदेखि सामान्य बदली तथा बाँकी भूभागमा मौसम सामान्यतया सफा रहनेछ।

मौसम विज्ञान विभाग

प्रकाशित मिति: आइतवार, पुस ३, २०७९, ८:३६ बिहान

लेखक: समाचारपाटी