अमेरिकाको केन्टकीमा गैर आवासीय नेपाली सङ्घ अमेरिकाको भेला कार्यक्रम सुरु भएको छ । यो भेलाले मेम्बर सीप ड्राइभ कमिटीले केन्टकीको लेक्जिन्टनबाट सदस्यता विस्तार कार्यक्रमलाई अघि बढाएको छ ।

सो क्षेत्रमा रहेका सबै नेपालीलाई गैर आवासीय नेपाली संघमा अबद्ध गर्न यो भेला आयोजना गरिएको हो । (एनआरएनए) राष्ट्रिय समन्वय परिषद् एनसीसी अमेरिकाका उपाध्यक्ष एवं सदस्यता विस्तार कमिटीका संयोजक दिलु पराजुलीले भेलासँगै सदस्यता वितरण अभियान चलाएका छन् । केन्टकीमा १९मा भएको भेलाबाट यो अभियान सुरु गरेका हुन् ।

सदस्यता खुल्ला गरेको तीन सातामा सो क्षेत्रका एक सय बीस जनाले मात्र आवेदन दिएको बताउदै संयोजक पराजुलीले आफु बस्दै आएको राज्य केन्टकीको लेक्जिन्टन शहरबाट बाट विषेश अभियान शुरु गरेको जानकारी गराउनुभयाे ।
मेम्बर सीप ड्राइभ कमिटीका चेयर पराजुलीले मातृभूमि नेपाललाई संगठनमार्फत एकजुट भएर योगदान गर्न संस्थाको सदस्य बन्न आबश्यक रहेको बताउनुभयाे । उहाँले विगतको भन्दा धेरै सदस्य बनाउने गरि लागि परेको बताउनुभयाे । उहाँका अनुसार अमेरिका अहिले विश्वमा नै धेरै सदस्य रहेको एनसीसी हो । बीस हजार भन्दा बढी अहिले एनआरएनए अमेरिकाको सदस्य छन् । यो सदस्यता विस्तार कार्यक्रम लिएर उनी नेपालीहरु बसोबास गर्ने अरु शहरमा भ्रमण गर्दै छन् ।

कार्यक्रममा नेपाली जन सम्पर्क समिति केन्टकी च्याप्टर सभापति सुधीर ओझा, प्रवासी मञ्च नेपालका केन्टकी च्याप्टर सभापति टेकराज भट्टराईको सहभागिता रहेको थियो । त्यसैगरि स्थानीय समाजका अग्रज शेष नारायण तिवारी, एन्काका वरिष्ठ उपाध्यक्ष श्याम पराजुली , चर्चित कलाकार इनास अमेरिकाका वरिष्ठ उपाध्यक्ष गोपाल नेपाल, सुदूर पश्चिम समाज केन्टकीका सभापति उद्धव उप्रेती लगायतको समेत कार्यक्रममा उपस्थिति रहेको थियो ।

एनआरएनए अमेरिकाले मार्च ६ तारिक देखि सदस्यता खुल्ला गरेको थियो । एनआरएनए अमेरिकाको सदस्यता लिन अनलाइनबाट मात्र सम्भव छ । सदस्यता लिने अन्तिम दिन मे महिना को १५ तारिख सम्म तोकिएको बताइएको छ ।
उपाध्यक्ष एवं सदस्यता विस्तार कमिटीका संयोजक पराजुलीले गैरआवासीयहरुको विश्वास भयो भने आफु भावी नेतृत्व लिन समेत पछि नपर्ने बताउनुभयाे । उहाँले भन्नुभयाे, ‘सबैको साथ सहयोग भएमा आगामी नेतृत्वको दौडमा आफुलाई सामेल गरेर अघि बढ्नेछु ।’

एनआरएनमेम्बरसीप ड्राइभ अभियान

प्रकाशित मिति: बुधबार, चैत्र ८, २०७९, ८:५५ बिहान

लेखक: समाचारपाटी