काठमाडौं I ललितपुरको भैंसेपाटीस्थित मेडिसिटी अस्पतालमा मिर्गौला प्रत्यारोपण गरिएका इलामका ३८ वर्षीय सरोज सुब्बा (लिम्बू) को मृत्यु भएपछि परिवारजनले अस्पतालमाथि लापरबाहीको आरोप लगाएका छन्।

सरोजले ६ असोजमा मेडिसिटी अस्पतालमा मिर्गौला प्रत्यारोपण गरेका थिए। प्रत्यारोपण सफल भएको भनिएपछि उनलाई एक हप्तापछि अस्पतालबाट डिस्चार्ज गरिएको थियो। तर, डिस्चार्ज भएपछि उनको स्वास्थ्य बिग्रिँदै गएको आफन्तले बताएका छन्।

सुब्बा नियमित फलोअपमा अस्पताल जाँदै आए पनि स्वास्थ्यमा सुधार नभएर १ मंसिरमा उनको मृत्यु भएको थियो।

मृतकका आफन्तले प्रत्यारोपणपछिको उपचारमा ध्यान नदिएको र सही परामर्श नगरेको भन्दै चिकित्सकको लापरबाहीले मृत्यु भएको दाबी गरेका छन्।

मेडिसिटी अस्पतालले भने बिरामीको उपचार प्रक्रियामा कुनै त्रुटि नगरेको र आवश्यक सबै सेवा दिएको जनाएको छ। घटनाको विस्तृत छानबिन भइरहेको अस्पताल प्रशासनले जनाएको छ।

यस घटनाले मिर्गौला प्रत्यारोपणपछिको उपचार र निगरानी व्यवस्थामा सुधारको आवश्यकतामाथि प्रश्न खडा गरेको छ।

मिर्गौला प्रत्यारोपणमेडिसिटी अस्पताल

प्रकाशित मिति: बिहिबार, मंसिर ६, २०८१, २:३६ बेलुका

लेखक: समाचारपाटी