नेपाली सेनाले सेना दिवसको अवसरमा प्रधान सेनापति खुला म्याराथन–२०८१ आयोजना गर्ने भएको छ ।

शुक्रवार काठमाडौंमा पत्रकार सम्मेलन गर्दै नेपाली सेनाले २६२ औं सेना दिवसको अवसरमा फागुन १० गते प्रधान सेनापति खुला म्याराथन–२०८१ आयोजना गर्ने भएको हो । पत्रकार सम्मेलनमा बोल्दै प्रमुख सेनानी नरेश के.सीले ४२.१९५ कि.मि. पुरुष खुला म्याराथन र हाफ म्याराथन २१ कि.मि महिला र पुरुष दुवैको लागि खुल्ला रहेको बताउनु भयो । उहाँले १० कि.मि.को म्याराथन नेपाली सेनाका सैनिक अधिकृतहरु महिला र पुरुष दुवैको लागि रहेको बताउनु भयो ।

उहाँले १० कि.मि.को म्याराथन नेपाली सेनाका विभिन्न दहमा कार्यरत कर्मचारी र काठमाडौ उपत्यकाका अवकाश प्राप्त सकलदर्जाका १२ कक्षासम्म पढ्ने छोरा छोरीहरुले पनि भाग लिन पाउने उल्लेख गर्नुभयो । उहाँले ५ कि.मि. वकथन प्रमुख अतिथि र आमन्त्रित व्यक्तिहरुको लागि राखिएको बताउनु भयो । उहाँले ५ कि.मि सैनिक महाविद्यालय र विद्यालयमा अध्ययनरत छात्रछात्राहरुले सहभागिता जनाउन पाउने बताउनु भयो । उहाँले प्रधान सेनापति खुला म्याराथन–२०८१ मा ३ हजार सहभागिता हुने अपेक्षा रहेको बताउनु भयो । उहाँले प्रधान सेनापति खुला म्याराथन–२०८१ प्रथम हुनेले ३ लाख रुपैयाँ राशिको पुरस्कार रहेको बताउनु भयो । उहाँले द्वितियलाई २ लाख,तृतीय हुनेलाई १ लाख,चौथो हुनेलाई ५० हजार,पाँचौलाई ३० हजार, छैंठां २५ हजार,सातौं २० हजार,आठौं १५ हजार,नवौं १० हजार र दसौं हुनेलाई ५ हजार रुपैयाँ रहेको बताउनु भयो । 

उहाँले २१ कि.मि. हाफ म्याराथनमा प्रथम हुने महिला र पुरुष दुवैले ७५ हजार,द्वितिय ५० हजार र तृतीय ३५ हजार रुपैयाँ पाउने बताउनु भयो । उहाँले १० कि.मी दौडमा प्रथम हुनेलाई १० हजार रुपैयाँ राशीको पुरस्कार रहेको बताउनु भयो । उहाँले म्याराथन तथा हाफ म्याराथन विजेताहरुलाई यामाहा कम्पनीको मोटरसाइकल तथा स्कुटर प्रदान गरिने बताउनु भयो । सेनाकाअनुसार खुला म्याराथनमा भाग लिन निःशुल्क दर्ताको व्यवस्था गरिएको र माघ ३० गतेसम्म दर्ता गरिसक्नुपर्नेछ । 

प्रकाशित मिति: शुक्रबार, माघ २५, २०८१, ५:४२ बेलुका

लेखक: समाचारपाटी