काठमाडौं I अमेरिकी भिसाको प्रलोभनमा नक्कली बिहे गराएको घटनामा कञ्चनपुर प्रहरीले डडेल्धुराका ४२ वर्षीय वीरबहादुर ऐरलाई पक्राउ गरेको छ। ऐरले ३२ वर्षीय विष्णुप्रसाद मालीको नक्कली बुवा बनेर कञ्चनपुरकी युवतीको परिवारसँग कुराकानी गरी बहुविवाह गराउन भूमिका खेलेको आरोप छ।

मालीले आफू इन्जिनियर र अमेरिकाको भिसा लागेको झुटो दाबी गर्दै ३१ वर्षीया युवतीसँग विवाह गरेका थिए। तर, पछि उनी गाडीका सहचालक रहेको र पहिले नै विवाह गरेको टिकटकमार्फत खुलासा भयो।

पहिलेकी श्रीमतीको उजुरीमा मालीविरुद्ध बहुविवाह मुद्दा चलाइएको छ। घटनामा मध्यस्थकर्ताको भूमिका खेलेको आरोपमा जनकबहादुर धामीलाई पनि पक्राउ गरिएको छ। प्रहरीले ऐर र धामीलाई मतियार बनाएर अनुसन्धान अघि बढाएको छ।

नक्कली बुवा बनेर बहुविवाह

प्रकाशित मिति: सोमवार, पुस ८, २०८१, १०:४९ बिहान

लेखक: समाचारपाटी