पोखरामा भोली महाकमेडी विथ महाजात्रा, हाँस्यकलाकारको बाक्लो उपस्थिति

पोखरा । पोखरामा भोली महाकमेडी विथ महाजात्रा कार्यक्रम हुने भएको छ । चलचित्र पत्रकार संघ कास्कीले पोखरामा आयोजना गरेको पत्रकार सम्मेलनमा निर्देशक विशाल भण्डारीले महाकमेडी विथ महाजात्रा फागुन २१ गते साँझ सभागृह हलमा
आयोजना गरिएको जानकारी गराउनुभयाे ।

उहाँले पोखराका दर्शकले प्रत्यक्ष रुपमा कमेडी च्याम्पियनका कलाकारहरुसँग साक्षत्कार गर्न पाउने बताउनुभयाे ।दर्शकहरुलाई सहर—सहरमा पुगेर हसाउने उद्देश्यका साथ कार्यक्रमको आयोजना गरिएको उहाँले बताउनुभयाे । कार्यक्रममा हरिवंश आचार्य,विपिन कार्की, रवीन्द्रसिंह बानियाँ, रवीन्द्र झा, राजाराम पौडेल, अभिनेत्री वर्षा राउत सहित कमेडी क्लब विथ च्याम्पियनका टोली दीपाश्री निरौला, सुमन कार्की, मेक्सम गौडेल, कैलाश कार्की, सजन श्रेष्ठ लगायतको प्रस्तुति रहने
भण्डारीले बताउनुभयाे ।

उहाँले टिभीमा जोडिन नपाएका दर्शकहरुले प्रत्यक्ष रुपमा कार्यक्रम हेर्न पाउने उल्लेख गर्नुभयाे । यात्रालाई लिएर भण्डारी आशावादी देखिनुहुन्छ । पत्रकार सम्मेलनमा बोल्दै दीपाश्री निरौलाले पोखराका दर्शकसँग प्रत्यक्ष रुपमा महाकमेडी विथ महाजात्रा मार्फत जोडिन पाउँदा खुशी लागेको बताउनुभयाे । उहाँका अनुसार कमेडी च्याम्पिएनका कारण नेपालमा नयाँ हाँस्यकलाकारहरुले अवसर पाएका छन् । पोखरामा हुने उक्त कार्यक्रमले हाँस्यकलाकारितामा फरक छाप छाड्ने उहाँले बताउनुभयाे ।

पोखराको कार्यक्रमका लागि सहकार्य गरिरहेको पर्यटन व्यवसायी महिला संघ (टेवान) की अध्यक्ष कमला गिरीले पोखरालाई पर्यटनको राजधानी घोषणा गर्ने छेकोमा महाकमेडी विथ महाजात्रा कार्यक्रमले सहयोग पुग्ने विश्वास व्यक्त गर्नुभयाे । उहाँका अनुसार पोखराको कार्यक्रमको सम्पूर्ण तयारी पुरा भएको छ ।

कार्यक्रमका लागि प्रवेश शुल्क ५ सय रुपैयाँ तोकिएको छ । खल्तीबाट समेत टिकट काट्न सकिने उहाँले बताउनुभयाे । पोखरा बासीका लागि महाकमेडी विथ महाजात्रा महत्वपूर्ण रहेको भनाई उहाँको छ । दर्शकको सहभागिता उल्लेखिय रहनेमा उहाँ
विश्वस्त हुनुहुन्छ । कार्यक्रममा पोखरा महानगरपालिकाले समेत सहकार्य गरेको छ ।

चलचित्र पत्रकार संघमहाकमेडी विथ महाजात्रा