काठमाडौं । नेकपा एकीकृत समाजवादीका अध्यक्ष माधवकुमार नेपालले जनताको जीवनमा आमुल परिवर्तन गर्न बाँकी रहेको बताउनुभएकाे छ । नारायण विलास जोशी स्मृतिको ३४ औं स्मृति दिवसको अवसरमा आइतबार बिहान भक्तपुरमा आयोजित कार्यक्रमलाई सम्बोधन गर्दै उहाँले राजनीतिक क्रान्तिको काम सम्पन्न गरेपनि जनताको जीवनमा परिवर्तन गर्न बाँकी रहेको बताउनुभएकाे हाे।

उहाँले भन्नुभयाे, ‘राजनीतिक क्रान्तिको काम सम्पन्न गर्याेै। अब अर्को महत्त्वपूर्ण काम गर्न बाँकी छ, जनताको जीवनमा आमुल परिवर्तन गर्ने, जनताको जीवन सुखी बनाउने, जनताको जीवनलाई समृद्ध बनाउने काम बाँकी छ। जनतालाई समानता र अवसर दिनुपर्छ।’ 

नेपालले यो सबै काम कम्युनिष्ट पार्टीको सरकारले गर्नुपर्ने बताउनुभयाे। उहाँले भन्नुभयाे, ‘सरकारको नेतृत्व गरिरहनु भएका प्रचण्डले समाजवादी यात्रामा देशलाई कसरी अगाडि बढाउने त्यसतर्फ अगाडि बढिरहनु भएछ, पहल गरिरहनुभएको छ।’

नेकपा एकीकृत समाजवादीमाधवकुमार नेपाल

प्रकाशित मिति: आइतवार, असार १७, २०८०, १०:३२ बिहान

लेखक: समाचारपाटी