काठमाडौं। प्रधानमन्त्री कप महिला टी–२० राष्ट्रिय क्रिकेट प्रतियोगितामा कोशी प्रदेशले बाग्मती प्रदेशलाई १० रनले हराएको छl
कोशीले दिएको ६४ रनको लक्ष्य पछ्याएको बाग्मती १२ ओभर १ बलमा ५३ रनमा अलआउट भयो । बाग्मतीले २४ बलमा ७ विकेट गुमायो । बाग्मतीकी सबिका यादवले २०, विपिशा शाहीले नटआउट १२ रन बनाए । बाग्मतीका अन्य ब्याटरले दोहोरो अङ्कमा रन जोड्न सकेनन् । कोशीकी ज्योति दनवार, रुबिना क्षेत्री र सङ्गीता राईले २र२ विकेट लिए ।
यो जीतसँगै कोशी २ अङ्क जोडेर समूह ‘बी’ को शीर्ष स्थानमा छ । प्रतियोगितामा अहिले समूह बी कै त्रिभुवन आर्मी क्लब र मधेश प्रदेश खेलिरहेका छन् ।