पाेखरा । पोखरामा ‘हेभनली इभेन्ट म्यानेजमेन्ट’को आयोजनामा सञ्चालन भइरहेको बाल सौन्दर्य प्रतियोगिता ‘लिटिल मिस्टर एण्ड मिस पोखरा’ को ग्रान्ड फिनाले यही आउँदो बैशाख १८ गते, २०८२ मा हुने भएको छ। कार्यक्रम पोखराको उद्योग वाणिज्य संघको हलमा दिउँसो १ बजेबाट सुरु हुनेछ। प्रतियोगितामा २९ जना बालबालिकाहरूले भाग लिइरहेका छन्, जसले विभिन्न चरण पार गर्दै अन्तिम प्रतिस्पर्धामा स्थान बनाएका हुन्। कार्यक्रमको मूल उद्देश्य बालबालिकामा आत्मविश्वास, प्रस्तुतिकरण कला, नेतृत्व क्षमता र सामाजिक सहभागिता अभिवृद्धि गर्नु रहेको आयोजकको भनाइ छ। कार्यक्रमका विशेष विशेषता: • सहभागीहरूको ट्यालेन्ट शो, क्याटवाक, संवाद/प्रश्नोत्तर चरण लगायत विविध गतिविधि • नेपाली संस्कृति र पोशाकमा आधारित प्रस्तुतीहरू • विशिष्ट अतिथि तथा निर्णायकहरूको उपस्थिति • कार्यक्रमको प्रत्यक्ष प्रसारण फेवा टेलिभिजन र हेभनली इभेन्टको फेसबुक पेज मार्फत कार्यक्रमको सफल आयोजना गर्दै आएका सफल सुवेदी, जो ‘हेभनली इभेन्ट म्यानेजमेन्ट’का प्रमुख हुन्, भन्छन् — “हाम्रो उद्देश्य बालबालिकाको बहुप्रतिभालाई प्रोत्साहित गर्नु हो । त्यसैले सबै पोखरेली तथा दर्शकहरूलाई कार्यक्रममा सहभागी भइ बाल प्रतिभाको सम्मान र समर्थन गर्न हार्दिक अनुरोध गर्दछु।” साथै, सहभागी बालबालिकाका अभिभावक, प्रशिक्षक र सहयोगीहरूको निरन्तर साथले कार्यक्रमलाई अझ सफल बनाउन मद्दत पुगेको भन्दै आभार व्यक्त गरेका छन्। प्रतियोगिताको विजेताहरूलाई ट्रफी, प्रमाणपत्र, र विभिन्न आकर्षक पुरस्कारहरू प्रदान गरिनेछ। यस किसिमको प्रतियोगिताले बालबालिकाको व्यक्तित्व विकास मात्र नभई उनीहरूलाई सामाजिक जीवनमा अग्रसर गराउने आत्मबल समेत प्रदान गर्ने आयोजकहरूको विश्वास छ।

प्रकाशित मिति: बुधबार, बैशाख १७, २०८२, ९:५५ बिहान

लेखक: समाचारपाटी