काठमाडौं I साहित्यकार उषा  केसीको उपन्यास  हिउँफुल सार्वजनिक भएको छ। शनिबार  काठमाडौँको अनामनगरस्थित डालो रेष्टुरेण्टमा आयोजित पुस्तक विमोचन कार्यक्रममा प्रमुख अतिथी प्रा.डा दयाराम श्रेष्ठ, समिक्षक डा. गिता त्रिपाठी , साहित्यिक पत्रकार संघका अध्यक्ष राधेश्याम लेकाली ,नेपाल उपन्यास समाजका अध्यक्ष शंकर भारती ,भुँडीपुराण प्रकाशनका प्रकाशक केशव पराजुली ,पत्रकार जितेन्द्र श्रेष्ठ , लेखक  वाशु सिलवाल लगायत  विभीन्न  व्यक्तित्वहरुको उपस्थिती रहेको थियो ।

कार्यक्रममा बोल्दै प्रमुख अतिथी प्रा.डा दयाराम श्रेष्ठले उपन्यसकारले आफनै जिवनका दुख पिडाहरुलाई पात्रको रुपमा उपन्यासमा चित्रण गरेको बताउनुभयो ।उहाँले लेखक केसीले छोटो समयमै साहित्यको क्षेत्रमा फडको मारेको भन्दै  लेखक केसीले उपन्यासमा परम्परागत कुराहरुलाई जिवन्त रुपमा चित्रण  गरेको बताउनुभयो ।

यस्तै कार्यक्रममा वरिष्ठ समालोचक प्रमोद प्रधानले लेखक  उषा  केसीले उपन्यासमा  हाम्रो आमा पुस्ताको  कथालाई सिलसिलेवार ढङ्गले  मार्मिक  रुपमा प्रस्तुत   गरेको बताउनुभयो । उहाँले श्रीमानले बहुविवाह गरेर एउटी नारीलाई दिएको पिडा र त्यो पिडा  वहन गर्न नसकेपछि सम्बन्धविच्छेद गरि माईतिमा गएर बस्दा गर्नुपरेका संघर्षहरु  नरोउँ भन्दा पनि आँसु झर्ने गरि अत्यन्त कोमल ढङ्गले प्रस्तुत गरिएको बताउनुभयो ।

यस्तै उपन्यास समाजका अध्यक्ष शंकर भारतीले आफुले उपन्यास पढने मौका नपाएपनि लेखक केसीले   पुस्तकको  पेज पल्टाउने बितीकै मृत सासुममी र आमा  दुवैलाई एकैपटक एउटै तस्विरमा एकैठाउँमा समावेश  गरेको देख्न सकिने भन्दै  उहाँले यसले लेखक केसी परिवारप्रति कति उतरदायी हुनुहुन्छ भन्ने कुरा प्रष्ट हुने बताउनुभयो ।

यस्तै समिक्षक  गिता त्रिपाठीले पुरातनवादी सोचबाट ग्रसित  समाजमा एउटी नारी अझैपनि स्वतन्त्र भएर  हिड्न नसकेको भन्दै  नारीका वेदनाहरुलाई समेटिएको उपन्यास पढ्दा आँखाहरु टिलपिल हुने बताउनुभयो ।

यस्तै पत्रकार जितेन्द्र श्रेष्ठले उपन्यासमा आमाको युगको  चित्रण गरिएको भन्दै  उपन्यास वेदनाले भरिपूर्ण रहेको बताउनुभयो ।

भुँडीपुराण प्रकाशनका प्रकाशक केशव पराजुलीले आफु प्रकाशनको क्षेत्रमा विगत ३०  वर्षदेखि निरन्तर लागिरहेको भन्दै  आफुहरुले सबै प्रकारका पुस्ततकहरुको छपाई गर्ने काम गरिरहेको  सन्दर्भमा केसीको पुस्तक पनि सार्वजनिक गर्ने अवसर मिलेको बताउनुभयो ।

यसैगरि  उपन्यासका लेखक उषा केसीले उपन्यास विधामा आफ्नो यो पहिलो कुति भएकाले  उपन्यास कस्तो छ भन्ने कुरा पढेपछि थाहा हुने बताउनुभयो । आफुले लामो समयदेखिको प्रयासलाई साकार रुप दिन सफल भएको भन्दै उहाँले उपन्यासलाई साकार रुप दिन सहयोग गर्ने सबैलाई  धन्यवाद  ज्ञापन गर्नुभयो । लेखक केसीको कृतिको हिसाबले यो तेस्रो कृति हो, तर उपन्यासको क्षेत्रमा भने यो  पहिलो कृति हो ।

हिउँफुल

प्रकाशित मिति: आइतवार, फाल्गुन २५, २०८१, ४:५७ बेलुका

लेखक: समाचारपाटी