पोखरा । लायन्स क्लब अफ पोखरा ब्युटी सिटि र लायन्स क्लब अफ पोखरा टुरिजम सिटिको संयुक्त आयोजनामा मङ्गलबार नि:शुल्क मधुमेहको परिक्षण कार्यक्रम सम्पन्न गरेको छ । रिजन चियर पर्सन निरज पन्तको प्राविधिक सहयोगमा न्यूरोडको एस एण्ड एस कम्प्लेक्समा ११४ जनाको मधुमेहको परिक्षण गरिएको व्यूटि सिटिका अध्यक्ष सवि शेरचनले जानकारी दिनुभयो ।
उहाँले पछिल्लो समय मानिसको व्यस्त जीवनशैलीका कारण स्वास्थ्य प्रतिको चासो कम हुन थालेको जनाउँदै बेला बेला यस्ता नि:शुल्क स्वास्थ्य शिविरल स्वास्थ्य प्रति सजक गराउँदै निरोगी हुन सहयोग पुर्याउने विश्वास व्यक्त गर्नुभयो । लायन किसन गिरीले मानवसेवामा निरन्तर क्रियाशिल सामाजिक संस्था लायन्स क्लबले विभिन्न कार्यक्रम गर्दै आएको जानकारी दिदै नि शुल्क मधुमेह परिक्षण धेरै जना लाभान्वित भएको बताउनुभयो ।
कार्यक्रमा लायन बिमला श्रेष्ठ, निवर्तमान अध्यक्ष लायन बिष्णु आचार्य,संस्थापक अध्यक्ष तथा स्पेशलिष्ट चिफ लायन चिनु गुरूङ, डिष्टिक चिफ तथा पूर्व अध्यक्ष लायन नबिना श्रेष्ठ , रिजन चियर पर्सन लायन शिला अधिकारी र जोन चियर पर्सन लायन महेश श्रेष्ठ लगायतको सहभागिता रहेको कार्यक्रम संयोजक तथा डिष्ट्रिक्ट अफिसर लायन मिना प्रधानले जानकारी दिनुभयो। कार्यक्रमलाई युएबि फर्माका जितेन्द्र कुशवाहले सहयोग गर्नुभएको थियो ।