काठमाडौं । समालोचक तथा वामपन्थी चिन्तक प्राध्यापक डाक्टर ताराकान्त पाण्डेयको बस दुर्घटनामा मृत्यु भएको छ ।नेपालगञ्जबाट काठमाडौं आउने क्रममा दाङको भालुबाङमा भएको बस दुर्घटनामा पाण्डेयको निधन भएको हो ।

प्रगतिवादी साहित्यमा समर्पित उहाँ इच्छुक सांस्कृतिक प्रतिष्ठानका अध्यक्ष समेत हुनुहुन्थ्याे । हाल उहाँ मोहन वैद्य किरण नेतृत्वको क्रान्तिकारी कम्युनिष्ट पार्टीका केन्द्रीय सल्लाहकार तथा स्कुलिङ विभाग सदस्य हुनुहुन्थ्याे ।

पार्टीले कैलालीमा आयोजना गरेको स्कुलिङ कार्यक्रममा सहभागी भएर फर्किने क्रममा उहाँको बस दुर्घटनामा परी निधन भएको हो । २०१७ असोज ८ गते रुपन्देहीमा जन्मिनुभएका २०३६ सालदेखि नेपाली साहित्यमा निरन्तर सकृय हुनुहुन्थ्याे ।

उहाँका भूमिका र मूल्याङ्कन ९२०५३०, प्रगतिवाद र कविता ९२०५६०, देवकोटाको व्यङ्ग्य व्यक्तित्व ९२०५८०, अर्थभ्रान्तिको उत्तर चेतनाका विरुद्ध ९२०६७०, अर्थको आनन्द ९२०६८०, समय र सिर्जना ९२०६८० जस्ता समालोचना प्रधान कृतिहरु प्रकाशित थिए ।

उहाँले ‘आलोचना’, ‘कलम’ जस्ता साहित्यिक पत्रिकासमेत सम्पादन गर्नुभएकाे थियाे । उहाँले विसं २०५७ सालको पारिजात सिर्जन पुरस्कार पाउनुभएकाे थियाे ।

ताराकान्त पाण्डेबस दुर्घटना

प्रकाशित मिति: शनिबार, पुस २८, २०८०, १२:२१ बेलुका

लेखक: समाचारपाटी