लेबनानका सूचनामन्त्री जियाद मकरीले मन्त्रिपरिषद्ले लितानी नदीको दक्षिणी क्षेत्रमा लेबनानी सेना तैनाथ गर्न अनुमोदन गरेको छ । लेबनानी सेनाले दक्षिणमा आफ्नो सेना पठाउन थालेको र धेरै उपकरण, कर्मचारी र आपूर्तिको आवश्यकता सेनालाई सहयोग स्वरुप पठाइएको बताउनु भयो । ध्वस्त भवनहरूको भग्नावशेष हटाइने र दक्षिणका क्षेत्रहरू क्लस्टर बमबाट खाली गरिनेछ बताउनु भयो । मन्त्रिपरिषद्ले युद्धबाट ध्वस्त भएका घरहरू पुनर्निर्माण गर्न कानूनको मस्यौदामा पनि सहमति जनाएको छ । मकरीकाअनुसार लेबनानले सिरियासँगको उत्तरी र पूर्वी सीमानामा आफ्नो सेना तैनाथ गरेको छ । दक्षिणी लेबनानी शहर टायरमा आयोजित विशेष मन्त्रिपरिषद्को बैठकमा भाग लिएपछि मकरीले यो घोषणा गर्नुभएको हो । जसमा लेबनानका प्रधानमन्त्री नाजिब मिकातीले इजरायलले युद्धविराम सम्झौताको जारी उल्लङ्घनलाई अन्त्य गर्न र कब्जाबाट फिर्ता लिन अन्तर्राष्ट्रिय समुदायलाई आह्वान गर्नुभयो । 

इजरायल र लेबनानी सशस्त्र समूह हिजबुल्लाहबीचको झन्डै १४ महिनादेखि चलेको लडाईंलाई रोक्ने उद्देश्यले संयुक्त राज्य अमेरिका र फ्रान्सको मध्यस्थतामा भएको युद्धविराम नोभेम्बर २७ मा लागू भएको थियो । 
सिन्ह्वा

अनुमोदनलेबनानी मन्त्रिपरिषद

प्रकाशित मिति: मङ्लबार, मंसिर २५, २०८१, ९:०२ बिहान

लेखक: समाचारपाटी