केन्याले हाइटीसँग ल्याटिन अमेरिकी देशमा हुने गिरोह हिंसा बिरुद्ध लड्ने उद्देश्यले बहु–राष्ट्रिय सुरक्षा सहयोग अभियानमा १ हजार प्रहरी अधिकारीहरू खटाउने सम्झौतामा हस्ताक्षर गरेको छ । केन्याको राजधानी नैरोबीमा आयोजित उक्त हस्ताक्षर समारोहमा केन्याका राष्ट्रपति विलियम रुटो र भ्रमणमा रहेका हाइटीका प्रधानमन्त्री एरियल हेनरीको उपस्थिति रहेको थियो । 

रुटोको अध्यक्षतामा हुने कार्यक्रमपछि प्रहरी टोली अर्को साता हाइटी प्रस्थान गर्नसक्ने स्रोतले जनाएको छ । हेनरीले आफ्नो सरकारले केन्याको टोलीलाई मिसनको सफलता सुनिश्चित गर्न पूर्ण सहयोग गर्ने आश्वासन दिनुभयो । 

हाइटीमा बहु–राष्ट्रिय सुरक्षा समर्थन मिसनलाई संयुक्त राष्ट्र सुरक्षा परिषद्ले अक्टोबर २, २०२३ मा प्रश्ताव २६९९ अन्तर्गत व्यापक गिरोह हिंसाको जवाफमा अधिकार दिएको थियो । जसले देशको अधिकांश भागलाई कानूनविहीन र अप्रशासित छोडेको छ । केन्याको एक अदालतले हालै प्रश्तावित तैनातीलाई असंवैधानिक ठहर गरेको छ । यसका बाबजुद पनि दुई देशका अधिकारीहरूले हाइटीमा सेनाको आगमनलाई तिब्र पार्ने सम्झौतामा काम गरिरहेका छन् । वर्षौंदेखि, हाइटीवासीहरूले राजनीतिक उथलपुथलले बढेको सामूहिक हिंसा सहेका छन् । जसले राज्यको क्षमतालाई कमजोर बनाएको छ, सुरक्षालाई कमजोर बनाएको छ र आवश्यक सेवाहरूको वितरणमा बाधा पुर्याएको छ । हेनरीको केन्या भ्रमणको साथमा हाइटीमा बिहीवार सशस्त्र झडप शुरु भएको थियो । जसमा एक गिरोहले देशको मुख्य अन्तर्राष्ट्रिय विमानस्थल, प्रहरी स्टेशन र सरकारी निकायहरूमा आक्रमण गरे र सामान्य कार्यहरू अवरुद्ध गरेका थिए । हेनरीले गुयानामा क्यारेबियन नेताहरूसँग भेट गरेपछि केही समयपछि आक्रमणहरू भएका थिए । जहाँ उनले २०२५ को मध्यमा लामो समयदेखि प्रतिक्षा गरिएको आम चुनाव गराउने वाचा गरेका थिए ।
सिन्ह्वा

केन्यासम्झौता

प्रकाशित मिति: आइतवार, फाल्गुन २०, २०८०, ८:३२ बिहान

लेखक: समाचारपाटी