बागलुङ । अविरल वर्षाका कारण मध्यपहाडी लोकमार्ग अन्तर्गत बागलुङ–बुर्तिबाङ सडकखण्ड अवरुद्ध भएको छ । ढोरपाटन नगरपालिका–२ खप्तरिबाङमा माथिदेखि झरेको पहिराले सडक अवरुद्ध भएको हो ।

शनिबार राति गएको पहिराका कारण बुर्तिबाङबाट पोखरा, काठमाडौँ, बुटवललगायतका ठाउँमा जाने र ग्रामीण क्षेत्रबाट बुर्तिबाङ आउने यातायातका साधन ठप्प भएका छन् ।

सडक खुलाउनका लागि जेसिबी पठाएको ढोरपाटन नगरपालिकाका उपप्रमुख कल्याण कायतले जानकारी दिनुभयो । बुर्तिबाङ बजार नजिकै सडक अवरुद्ध हुँदा पैदलयात्रुले वैकल्पिक सडक प्रयोग गर्नुपर्ने अवस्था आएको उहाँको भनाइ छ ।

उहाँले , ‘शनिबार साँझ ठूलो पानी परेको थियो, राति पहिरो गएछ, अहिले सडक खुलाउने प्रयास भइरहेको जानकारी दिनुभयो । ।’

बागलुङ–बुर्तिबाङ सडकखण्ड

प्रकाशित मिति: आइतवार, असार १०, २०८०, ११:१४ बिहान

लेखक: समाचारपाटी