काठमाडौं । सञ्चार तथा सूचना प्रविधि मन्त्रालयका सचिव कृष्णबहादुर राउतलाई अदालतले दुई दिन हिरासतमा राख्न अनुमति दिएको छ । सचिव राउतलाई सोमबार म्याद थपका लागि जिल्ला अदालत काठमाडौंमा उपस्थित गराइएको थियो।

राउतलाई आइतबार त्रिभुवन अन्तर्राष्ट्रिय विमानस्थलबाट केन्द्रीय अनुसन्धान ब्युरोले पक्राउ गरेको थियो ।

राउत शाखा अधिकृतका रूपमा भौतिक योजना तथा निर्माण मन्त्रालयमा कार्यरत रहेका बेला बालुवाटारस्थित ललिता निवास परिसरको जग्गा हिनामिना भएको थियो ।

त्यससम्बन्धी विषयमा उनले नै टिप्पणी लेखेको प्रहरीको आरोप छ ।

ललिता निवास प्रकरण

प्रकाशित मिति: मङ्लबार, असार २६, २०८०, ७:२१ बिहान

लेखक: समाचारपाटी