काठमाडौं । नेकपा माओवादीले रवि लामिछानेको नागरिकता मुद्दामा सर्वोच्च अदालतको फैसलाको पूर्णपाठ नआएसम्म गृहमन्त्रीको टुंगो नलाग्ने बताएको छ। त्यतिञ्जेलसम्मका लागि गृहमन्त्रालय माओवादीले आफैसँग नै राख्ने भएको छ।

मंगलबार पार्टीको पदाधिकारी बैठकमा उहाँले गृहमन्त्रालयबारे तत्काल निर्णय नभएको जानकारी गराउनुभयाे। माओवादी केन्द्रका उपाध्यक्ष कृष्णबहादुर महाराले सञ्चारकर्मीले सोधेको प्रश्नको उत्तर दिँदै फैसलाको पूर्ण पाठ नआएसम्म गृहमन्त्रालय माओवादीले नै राख्ने बताउनुभयाे।

उहाँले भन्नुभयाे ”रवि लामिछानेको नागरिकता मुद्दामा सर्वोच्च अदालतको फैसला नआएसम्म गृहमन्त्रालय माओवादीले आफैसँग राख्छ। अहिले पनि गृहमन्त्रालय प्रधानमन्त्री प्रचण्डले आफैसँग राख्नु भएको छ। पूर्णपाठ आएपछि मात्रै गृहमन्त्रीको टुंगो लाग्छ।’ माओवादी केन्द्रले राष्‍ट्रपतिमा राष्ट्रिय सहमति खोज्ने उहाँले बताउनुभयाे।

सर्वोच्च अदालत

प्रकाशित मिति: मङ्लबार, माघ १७, २०७९, ३:४० बेलुका

लेखक: समाचारपाटी