पाल्पा । नेपाल कम्युनिस्ट पार्टी एकीकृत समाजवादी पाल्पाका जिल्ला अध्यक्ष खिमानन्द पाण्डे कमल को मृत्यु भएको छ ।

बगनासकाली गाउँपालिका–१ पिप्लेस्थित घरबाट उपचारका लागि लुम्बिनी मेडिकल कलेज प्रभास लैजाने क्रममा बाटोमै मृत्यु भएको हो ।

शुक्रबार साँझ ६ः१५ बजे हृदयघाट भई ५२ वर्षीय पाण्डेको उपचारका लागि लुम्बिनी मेडिकल कलेज लगिएकोमा ६ः४५ बजे अस्पतालले मृत्यु घोषणा गरेको पारिवारिक स्रोतले जनाएको छ ।

मृतक पाण्डेयको दुई छोरा र श्रीमती छन् । पाण्डेयको २६ वर्षीय माहिलो छोराको पनि गत वर्ष हृदयघाटबाटै मृत्यु भएको थियो ।

उनको आजै कालीगण्डकी नदीको राम्दीघाटमा अन्त्येष्टि गरिँदैछ ।

खिमानन्द पाण्डेनेपाल कम्युनिस्ट पार्टी एकीकृत समाजवादीमृत्यु

प्रकाशित मिति: शनिबार, असार २३, २०८०, ८:२७ बिहान

लेखक: समाचारपाटी