कमल थापा काठमाडौं । राप्रपा नेपालका अध्यक्ष कमल थापाले ठुला भनिने नेताहरुले गरिरहेको राष्ट्रदोहन र नितिगत भ्रष्टाचारमा भएको संलग्नताबारे तिब्र रोष प्रकट गर्नुभएकाे छ ।

”पुर्ब राष्ट्र प्रमुख र पुर्ब प्रधानमन्त्रीहरु नै आर्थिक सहायताको नाममा नितिगत भ्रष्टाचारमा लिप्त हुनु दुर्भाग्यपूर्ण हो” थापाले भन्नुभयाे । बुधबार काठमाडौंमा पार्टी आबद्ध जनबर्गिय संगठनको संयुक्त भेलालाई सम्बोधन गर्दै थापाले राजाको मायाले नभई गणतन्त्र जस्तो भद्रगोल ब्यवस्थाले गर्दा गणतन्त्र कै विकल्प खोजि गर्दै जनता सडकमा आउन बाध्य हुने तर्क गर्नुभयाे । थापाले मुलुकको अवस्था अत्यन्तै नाजुक भएको कारण देशको अवस्थाले गर्दा ब्यवस्था परिवर्तन हुन सक्ने भन्दै गणतन्त्रका संबाहक हौ भन्नेहरु नसच्चिए दुर्घटना हुने दाबी गर्नुभयाे । गरिब जनता सिटामोल खान सक्ने अवस्थामा छैनन् , ठुला नेताहरु ब्रम्हलुटमा लिप्त छन् ।

थापाले थप्नुभयाे ‘यो दुर्घटनाको सङ्केत हो’ । भ्रष्टाचार ,बेरोजगारी ,कुशासन,धर्मपरिवर्तनले आक्रान्त जनता नाङ्गो ब्रम्हलुटबाट आजित भएको बताउनुभयाे । भ्रष्टाचार र संघीयताको भारले मुलुक कङ्गाल भएको भन्दै थापाले देशको न्यायपालिका, कार्यपालिका र ब्यवस्थापिका प्रभाबहिन बन्दै जानू ब्यवस्था नै असफल उन्मुख हुनु हो भन्ने टिप्पणी गर्नुभयाे । उहाँले नेता,कार्यकर्ताहरुलाई अब सडक संघर्षको लागि तयारिमा लाग्न निर्देशन दिनुभयाे । कार्यक्रममा पार्टीका महामन्त्री राजाराम बर्तौला लगायत जनबर्गिय संगठनका अध्यक्षहरुले बोलेका थिए ।

अध्यक्ष कमल थापाराप्रपा नेपाल

प्रकाशित मिति: बिहिबार, फाल्गुन १८, २०७९, १०:०२ बिहान

लेखक: समाचारपाटी