थाइल्याण्डका पूर्वप्रधानमन्त्री थाक्सिन सिनावात्रालाई चाँडै रिहा गरिने न्यायमन्त्री तावी सोडसोङले मंगलवार बताउनुभएको छ । तावीले मन्त्रिपरिषद्को बैठकमा भाग लिनुअघि पत्रकारहरूलाई थाक्सिन यस महिना प्यारोलका लागि स्वीकृत भएका ९३० कैदीहरूमध्ये एक रहेको बताउनु भयो । ७४ वर्षको वृद्ध ७० वर्ष भन्दा माथिको उमेर र गम्भीर बिरामी भएको कारण प्यारोलको लागि योग्य रहेको बताइएको छ । कम्तिमा छ महिनाको सजाय काटिसकेपछि थाक्सिन फेब्रुअरी १७ मा रिहा हुने अपेक्षा गरिएको छ । तहसिनले आफ्नो १५ वर्षभन्दा बढीको निर्वासन समाप्त गरी गत वर्ष अगस्टमा थाइल्याण्ड फर्किनुभएको थियो । विभिन्न आरोपमा आठ वर्षको जेल सजाय सुनाइएको थियो । गत सेप्टेम्बरमा, थाई राजा महा वजिरालोङ्कोर्नले शाही माफीको लागि अनुरोध गरेपछि थाक्सिनको जेल सजाय एक वर्षमा घटाइएको थियो । थाक्सिनले सन् २००१ देखि २००६ सम्म दक्षिणपूर्वी एशियाली देशको प्रधानमन्त्रीको रुपमा काम गर्नुभएको थियो । 
सिन्ह्वा

थाइल्याण्डथाक्सिन सिनावात्रा

प्रकाशित मिति: बुधबार, फाल्गुन २, २०८०, ११:५७ बिहान

लेखक: समाचारपाटी