सर्वोच्च अदालतका प्रस्तावित न्यायाधीश अब्दुल अजीज मुसलमानले सर्वोच्च अदालतमा विचाराधिन रहेका मुद्दाहरुलाई छिटोभन्दा छिटो फस्र्यौट गर्न आफ्नो प्रयास रहने बताउनुभएको छ । 

संसदीय सुनुवाई समितिको शुक्रवारको बैठकमा आफ्नो अवधारणापत्र र कार्ययोजना प्रश्तुत गर्दै प्रस्तावित न्यायाधीश मुसलमानले सर्वोच्च अदालतमा विचाराधिन रहेका फस्र्यौट हुन नसकेका मुद्दाहरुको छिटो फस्र्यौट गर्न आफ्नो प्रयास रहने बताउनुभएको हो । उहाँले इजलाशमा पेश भएका मुद्दाहरुको सोही दिन फस्र्यौट गर्ने पनि आफ्नो प्रयास रहने बताउनु भयो । उहाँले अनावश्यक आदेशलाई निरुत्साहन गर्ने पनि बताउनु भयो । उहाँले साना प्रकृतिका, वैवाहिक र विशिष्टिकृत विवाद समावेश भएको मुद्दाहरुको लागि छुट्टै इजलाश गठनको लागि प्रयास गर्ने आफ्नो कार्ययोजना रहेको पनि बताउनु भयो । 

उहाँले भन्नुभयो – ‘भनिन्छ, न्याय ढिलो दिनु न्याय दिन इन्कार गर्नु हो । सर्वोच्च अदालतमा विचाराधिन फस्र्यौट हुन नसकेका मुद्दाहरुलाई फस्र्यौट गर्ने मेरो प्रयास रहनेछ । इजलाशमा पेश भएका मुद्दाहरुको सोही दिन फस्र्यौट गर्ने । अनावश्यक आदेशलाई निरुत्साहन गर्ने । साना प्रकृतिका, वैवाहिक र विशिष्टिकृत विवाद समावेश भएको मुद्दाहरुको लागि छुट्टै इजलाश गठनको लागि प्रयास गर्ने । सरकारवादी देवानी फौजदारी र अन्य मुद्दाहरुको छुट्टाछुट्टै बार तोक्ने । इजलाशको मर्यादा कायम तथा व्यवस्थापनमा जोड दिने । समय व्यवस्थापनमा ध्यान दिने ।’

उहाँले आफु न्यायाधीश बनेमा ‘न्यायपालिकाको स्वतन्त्रता, न्याय सुशासन हाम्रो प्रतिवद्धता’ भन्ने नारालाई आत्मसात् गर्दै काम गर्ने पनि बताउनु भयो ।

अब्दुल अजीज मुसलमानसर्वोच्च अदालत

प्रकाशित मिति: शनिबार, मंसिर ३०, २०८०, ९:२३ बिहान

लेखक: समाचारपाटी