पर्वतारोही, शिक्षाप्रेमी, समाजसेवी Peak Aid, Ken Noguchi´s Foundation Japan का अध्यक्ष जापानी नागरिक श्री नोगुचि केन ( Mr.Noguchi Ken) को जन्मदिनका सु-अवसरमा उपकार फाउन्डेसन, नेपालले विभिन्न कार्यक्रम गरी मनाएको छ।

भदाै ४ Aug 21, 2023 का दिन पर्वतारोही, शिक्षाप्रेमी, समाजसेवी Peak Aid, Ken Noguchi´s Foundation Japan का अध्यक्ष श्री नोगुचि केन ( Mr.Noguchi Ken) को जन्मदिनका अवसरमा उपकार फाउन्डेसन, नेपालले विभिन्न कार्यक्रम गरी श्री नोगुचि केनकाे जन्मदिन मनाएको हाे ।

कार्यक्रममा आर्थिक स्रोत जुटाउने काम Upakar Foundation, Nepal र Peak Aid, Ken Noguchi´s Foundation Japan वीच समन्वयको भूमिका निर्वाह गर्नुभएका शिक्षाप्रेमी, समाजसेवी, हाल जापानमा कार्यरत श्री गोदार उपकार थापाले गर्नुभएकाे थियाे।

शिवालय आधारभूत विद्यालयमा विद्यालय व्यवस्थापन समितिका अध्यक्ष शिव प्रसाद पराजुली र फेदिखोलामा रहेकाे अमोर बालगृहकी सञ्चालक कमला पराजुलीको अध्यक्षतामा उक्त कार्यक्रम सम्पन्न भएकाे हाे ।

शिवालय आधारभूत विद्यालयमा विद्यालय बिद्यार्थीहरु र अमोर बालगृहका बालबालिकाहरूलाइ शैक्षिक सामाग्रीहरू वितरण गरी एकै दिन दुबै कार्यक्रम सम्पन्न भएकाे थियाे ।

कार्यक्रममा अमोर बालगृह तथा विद्यालयका लागि शुक्ष्मदर्शक यन्त्रसहित केही महत्त्वपूर्ण पुस्तक, खेलकुद सामाग्री, शिक्षण सामाग्री र सम्पूर्ण बिद्यार्थीहरुलाई शैक्षिक सामाग्रीहरू वितरण गरिएको थियो।

उक्त कार्यक्रममा उपकार फाउन्डेसन, नेपालका अध्यक्ष बलबहादुर गोदारले जापानी नागरिक नोगुची केनद्वारा शैक्षिक एवम् सामाजिक क्षेत्रमा भएको योगदान र वहाँको जीवनी वारे प्रकाश पार्दै जन्मदिनको सु-अवसरमा शुभकामना प्रदान गर्नुभएकाे थियाे।

शिव प्रसाद र कमला पराजुलीले जापानी नागरिक श्री नोगुचि केनलाइ जन्मदिनको शुभकामना दिंदै नोगुचि केनले यस क्षेत्रमा विगत् ६ / ७ वर्षदेखि गर्दै आएको सहयोगको प्रशंसा गर्दै आगामी दिनमा पनि थप सहयोग प्राप्त भएमा ग्रामीण क्षेत्रका गरिब तथा जेहेन्दार बिद्यार्थीहरुको शैक्षिक उन्नयनमा टेवा पुग्ने बताउनुभएकाे थियाे । संस्थाको संरक्षक सदस्य साबित्री थापाले कार्यक्रममा सहजीकरण गर्नुभएको थियो।

जन्मदिनजापानी नागरिक श्री नोगुचि केन

प्रकाशित मिति: बुधबार, भदौ ६, २०८०, १०:२४ बिहान

लेखक: समाचारपाटी