इटालीको लाम्पेडुसा टापु नजिकै एक आप्रवासी जहाज दुर्घटनामा एक दुई वर्षीय बालकको मृत्यु भएको छ भने अन्य ८ जना बेपत्ता भएका छन् । साथै ४२ जनाको उद्धार गरिएको छ । ५० भन्दा बढी आप्रवासी बोकेको डुङ्गा ट्युनिसियाको बन्दरगाह सहर स्फ्याक्सबाट गएको थियो । जहाजमा रहेका केही व्यक्ति पौडी खेलेर किनारमा पुग्न सफल भएका थिए भने अन्यलाई तटरक्षक र स्थानीय माछा मार्नेहरूले उद्धार गरेका थिए । बेपत्ता हुनेमा दुई साना बालबालिका पनि रहेका छन् । स्थानीय रिपोर्टका अनुसार डुङ्गाले आइभरी कोस्ट, बुर्किना फासो, गिनी–बिसाउ र मालीबाट आप्रवासीहरू बोकेको थियो । ८ सय भन्दा बढी मानिसहरू बोकेका ११ डुङ्गाहरू ल्याम्पेडुसामा अवतरण गरेका थिए । जसको आवास केन्द्रको क्षमता ४ सय भन्दा बढी छ । डुंगामा सवार आप्रवासीहरु सिरिया, इराक, इजिप्ट, मोरक्को, पाकिस्तान र बंगलादेशका नागरिक थिए । लाम्पेडुसा इटालीको दक्षिणी टापु हो । जुन वर्षौंदेखि आप्रवासीहरूको ठूलो आगमनको लागि एक हटस्पट भएको छ । गत हप्ता युरोपेली बोर्डर र कोस्ट गार्ड एजेन्सीले पश्चिमी अफ्रिकी आप्रवासन मार्गले युरोपमा अनियमित क्रसिङको संख्यामा सबैभन्दा ठूलो वृद्धि भएको बताएका थिए । जुन यस वर्ष अहिलेसम्म दोब्बर भएर २७ हजार ७०० भन्दा बढी पुगेको छ । 
सिन्ह्वा

इटालीबेपत्ता

प्रकाशित मिति: बिहिबार, मंसिर ७, २०८०, २:२० बेलुका

लेखक: समाचारपाटी