गाजामा आधारित नागरिक रक्षाकाअनुसार बिहीवार गाजा पट्टीमा इजरायली आक्रमणमा कम्तिमा ३९ प्यालेस्टिनीहरू मारिनुका साथै दर्जनौं घाइते भएका छन् । नागरिक रक्षाका प्रवक्ता महमूद बसालले बताएअनुसार इजरायली आक्रमणले आश्रय पाल, शरणार्थी शिविरको रूपमा पुनः प्रयोग गरिएका विद्यालयहरू र आवासीय घरहरूसहित धेरै स्थानहरूलाई लक्षित गरेको थियो । मृत्यु हुनेहरूमा महिला र बालबालिकाहरू पनि रहेका छन् । इजरायल रक्षा बलले जबालियामा रहेको कमाण्ड एण्ड कन्ट्रोल सेन्टरमा आक्रमण गरेको र विगत ४८ घण्टामा गाजाभरि ११० भन्दा बढी स्थानहरूलाई लक्षित गरेको बताएको छ । गाजाका स्वास्थ्य अधिकारीहरूले विगत २४ घण्टामा एन्क्लेभभरि ४० शव र ७३ घाइते व्यक्तिहरूलाई अस्पतालमा ल्याइएको बताएका छन् । मार्च १८ मा इजरायलले आफ्नो सैन्य आक्रमण पुनः शुरु गरेदेखि मारिएका प्यालेस्टिनीहरूको कुल संख्या १ हजार ६९१ पुगेको छ । अक्टोबर २०२३ मा द्वन्द्व शुरु भएदेखि कुल मृत्यु हुनेको संख्या ५१ हजार ६५ पुगेको छ । 
सिन्ह्वा

इजरायली आक्रमणप्यालेस्टिनी

प्रकाशित मिति: शुक्रबार, बैशाख ५, २०८२, १०:१५ बिहान

लेखक: समाचारपाटी