इजरायली सेनाले दक्षिणी गाजान शहर रफाहमा गरेको आक्रमणमा २५ जनाको ज्यान गएको छ । साथै इजरायलले हाल पट्टीको आधाभन्दा बढी जनसंख्या ओगटेको शहरमा सैन्य कारबाही शुरु गर्ने चेतावनी दिएको छ । हालैका इजरायली आक्रमणहरूमा, रफाहको पश्चिमी क्षेत्रलाई निशाना बनाएपछि हमासका सुरक्षा बलका तीन सदस्यहरू मारिएका थिए । चकित्सा स्रोतहरूकाअनुसार इजरायली हवाई आक्रमणमा रफाहमा तीनवटा आवासीय घरहरूलाई निशाना बनाएर कम्तीमा २५ प्यालेस्टाइनीको मृत्यु भएको थियो । इजरायलका प्रधानमन्त्री बेन्जामिन नेतन्याहुले शुक्रवार सेनालाई रफाहमा भूमिगत कारबाहीका लागि योजना तयार गर्न निर्देशन दिएपछि रफाहमा तिब्र आक्रमण भएको हो । इजरायली सेनाले केही हप्ता अघि रफाह नजिकैको दक्षिणी शहर खान युनिसमा आफ्नो सबैभन्दा ठूलो र हिंस्रक आक्रमण शुरु गरेपछि रफाहमा भाग्ने बिस्थापितहरूको संख्या उल्लेखनीय रूपमा बढेको छ । 
सिन्ह्वा

इजरायली सेनाप्यालेस्टाइनी

प्रकाशित मिति: सोमवार, माघ २९, २०८०, ७:१० बिहान

लेखक: समाचारपाटी