प्यालेस्टिनी स्वास्थ्य अधिकारीहरूले पश्चिम किनारको टुबासको दक्षिणपूर्वमा रहेको तम्मुन शहरमा इजरायली हवाई आक्रमणमा दस प्यालेस्टिनीको मृत्यु भएको बताएका छन् । धेरै घाइते भएका छन् । प्यालेस्टिनी स्वास्थ्य मन्त्रालयले आक्रमणपछि दस जनाको शव र धेरै घाइतेहरूलाई टुबास सरकारी अस्पतालमा लगिएको बताएको छ । इजरायली सेनाले पश्चिम किनारमा सशस्त्र आतंककारी कार्यकर्ताहरूको एक सेललाई लक्षित गरेको बताएको छ । अक्टोबर ७, २०२३ देखि पश्चिम किनारमा तनाव बढेको छ । प्यालेस्टिनी स्वास्थ्य मन्त्रालयकाअनुसार त्यसबेलादेखि पश्चिम किनार र पूर्वी जेरुसेलममा ८ सय भन्दा बढी प्यालेस्टिनीको मृत्यु भइसकेको छ । 
सिन्ह्वा

इजरायली हवाई आक्रमण

प्रकाशित मिति: शनिबार, माघ १९, २०८१, १:०८ बेलुका

लेखक: समाचारपाटी