इजरायल रक्षा बलले हमासद्वारा ६ जना इजरायली वन्धकहरूलाई जारी युद्धविराम आदानप्रदानको एक भागको रूपमा शनिवार रिहा गरिएको जनाएको छ । पाँच बन्धकहरूमध्ये दुईलाई शनिवार पहिले दक्षिणी गाजाको रफाहमा रहेको अन्तर्राष्ट्रिय रेडक्रस समितिको सवारीबाट स्थानान्तरण गरिएको थियो । ती दुई जना ३८ वर्षीया एभेरा मेंगिस्टु, एक इथियोपियाली मूलका इजरायली पुरुष अश्केलोनबाट रहेका छन् ।  जो २०१४ मा गाजा पुगेका थिए । त्यसबेलादेखि नै बन्धक बनाइएका थिए । ४० वर्षीय ताल शोहमलाई अक्टोबर ७, २०२३ मा इजरायलमा हमासको आक्रमणको क्रममा पक्राउ गरिएको थियो । शोहमकी श्रीमती र दुई छोराछोरीलाई पनि वन्धक बनाइएको थियो । नोभेम्बर २०२३ मा अस्थायी युद्धविराम सम्झौता अन्तर्गत रिहा गरिएको थियो । तीन जना – २२ वर्षीय ओमर शेम–टोभ, २७ वर्षीय एलिया कोहेन र २३ वर्षीय ओमर वेन्कर्ट – लाई पनि २०२३ मा इजरायलमा हमासको आक्रमणको क्रममा पक्राउ गरिएको थियो । जनवरी १९ देखि लागू हुने पहिलो चरण अर्को हप्ता समाप्त हुने तय भएको छ र जब हमासले १ हजार ५ सय भन्दा बढी प्यालेस्टिनी कैदीहरूको बदलामा ३३ इजरायली बन्धकहरू– २५ जीवित र आठ मृत – को रिहाइ पूरा गर्ने अपेक्षा गरिएको छ । 

सिन्ह्वा

वन्धकहमास

प्रकाशित मिति: आइतवार, फाल्गुन ११, २०८१, ११:२९ बिहान

लेखक: समाचारपाटी