अरब लीगका महासचिव अहमद अबोल–घितले अन्तर्राष्ट्रिय समुदायलाई इजरायली आक्रमण र त्यसका प्रभावहरूबिरुद्ध आवाज उठाउन आग्रह गर्नुभएको छ ।

अरब लीगका प्रमुखले जारी संकटको बीचमा लेबनान र जनतासँग ऐक्यवद्धता व्यक्त गर्नुभयो । लेबनानी जनताले हालैका वर्षहरूमा धेरै पीडा भोग्नुपरेको उल्लेख गर्दै यो गम्भीर अवस्थालाई समाधान गर्न पहिले भन्दा बढी सहयोग आवश्यक रहेको बताउनु भयो ।

लेबनानका जनताको नागरिक शान्ति कायम राख्ने र साम्प्रदायिक द्वन्द्वबाट बच्न सक्ने क्षमतामा आफ्नो विश्वासलाई जोड दिँदै लेबनानमा भएका घटनाक्रमहरूमा अबोल–घितले चिन्ता व्यक्त गर्नुभयो । उहाँले लेबनानमा इजरायली आक्रमणको निरन्तरताको पनि निन्दा गर्नुभयो । 

प्रकाशित मिति: बुधबार, अशोज १६, २०८१, २:३३ बेलुका

लेखक: समाचारपाटी