इयाल जामिरले बुधवार इजरायल रक्षा बलको २४ औं प्रमुखको रूपमा पदभार ग्रहण गर्नुभएको छ । इजरायलको बहु–मोर्चाको द्वन्द्व जारी रहने चेतावनी दिँदै र आफ्ना शत्रुहरूलाई ‘प्रचण्ड बल’ ले प्रहार गर्ने प्रतिवद्धता जनाउनु भयो । ५९ वर्षीय जामिरले फेब्रुअरी १६ मा आफ्नो नियुक्तिको सरकारले अनुमोदन गरेपछि तेल अभिभको किरिया सैन्य अड्डामा कमाण्ड परिवर्तन समारोहमा आफ्नो नयाँ भुमिका ग्रहण गर्नुभएको हो । उनले अक्टोबर ७, २०२३ मा हमास नेतृत्वको आक्रमणको क्रममा इजरायलीहरूको रक्षा गर्न असफल भएको स्वीकार गरेपछि जनवरीमा राजीनामा दिएका हर्जी हालेवीको उत्तराधिकारी बन्नुभयो । रक्षा मन्त्रालयका पूर्व महानिर्देशक जामिर १९८५ मा सेनामा सामेल हुनुभयो । अर्को वर्ष ट्याङ्क कमाण्डर बन्नुभयो । पछि दक्षिणी कमाण्डको कमाण्डर र उपप्रमुखको रूपमा सेवा गर्नुभएको छ । समारोहको क्रममा जमीरकी श्रीमती, प्रधानमन्त्री बेन्जामिन नेतान्याहू र रक्षामन्त्री इजरायल काट्जले जिम्मेवारी दिनुभयो । जनवरी १९ मा लागू भएको हमाससँगको युद्धविरामको भविष्य अनिश्चित रहेको बेला जमिरले संवेदनशील समयमा पदभार ग्रहण गर्नुभएको छ । उत्तरी कब्जा गरिएको पश्चिम किनारमा जारी ठूलो मात्रामा सैन्य अभियान र इजरायलले आफ्नो कट्टर शत्रु मान्ने इरानसँग बढ्दो तनावको बीचमा हिंसा बढ्दै गएको छ । 
सिन्ह्वा

इजरायलपदभार ग्रहण

प्रकाशित मिति: बिहिबार, फाल्गुन २२, २०८१, २:०७ बेलुका

लेखक: समाचारपाटी