इजरायलले इरानमा हवाई आक्रमणको अर्को चरण शुरु गरेको बताएको छ । आफ्नो सैन्य अभियानलाई अगाडि बढाउन दृढ संकल्पित रहेको इजरायलको भनाइ छ । इजरायली सैन्य प्रवक्ता एफी डेफ्रिनले निरन्तर इजरायली हवाई आक्रमणको परिणामस्वरूप इरानी सेनालाई पछि धकेल्दै गएको बतउनु भयो । डिफ्रिनले लगभग ६० इजरायली लडाकु विमानहरूले मंगलवारको सुरुमा तेहरान क्षेत्रमा १२ भूमिगत मिसाइल प्रक्षेपण स्थलहरूलाई लक्षित गर्दै ठूलो आक्रमण गरेका थिए । जुन १३ मा इजरायलले इरानभरि गरेको अचानक हवाई आक्रमणबाट शुरु भएको हवाई द्वन्द्वमा इरानमा कम्तिमा २ सय ४४ र इजरायलमा २४ जनाको मृत्यु भएको छ । 
सिन्ह्वा

इजरायलहवाई आक्रमण

प्रकाशित मिति: बुधबार, असार ४, २०८२, १०:३० बिहान

लेखक: समाचारपाटी