काठमाडौं । काठमाडौं जिल्ला अदालतले फिल्म ‘एक्टर स् टेक वन’को प्रदर्शन रोक्न अन्तरकालिन आदेश दिएको छ । अदालतले माघ २२ गते दुबै पक्षलाई छलफलमा समेत बोलाएको छ ।

मंगलबार न्यायाधीश ढाकाराम पौडेलको एकल इजलासले यस्तो आदेश दिएको हो । फिल्म ‘एक्टर’का निर्माताले ‘एक्टर स् टेक वन’को प्रदर्शन रोक्न माग गर्दै शुक्रबार अदालतमा रिट दायर गरेका थिए । राजन भुसाल निर्देशित फिल्म बुधबारदेखि प्रदर्शन तयारीमा थियो ।

नामलाई लिएर दुबै फिल्मबीच केही समयदेखि विवाद थियो । दायर रिटमा प्रतिलिपि अधिकार बमोजिम कार्वाही गरि उचित क्षतिपूर्ति उपयुक्त आदेश माग गरिएको थियो ।

रिटमा चलचित्र विकास बोर्ड, निर्माता कम्पनी अदृत फिल्म्स र मोती फिल्म्सलाई विपक्षी बनाइएको छ । फिल्मको नाम हुबहु चोरी गरेर मौलिकजस्तो देखिने गरि कानूनी प्रावधान समेत छली नाम र कथावस्तु प्रयोग गरेर गैरकानूनी कार्य गरेको आरोप रिटमा लगाइएको छ ।

साथै, रिटमा ‘एक्टर स् टेक वन’लाई कुनैपनि विधि, पद्दति ( चलचित्रघरमा, डिजिटल माध्यममा, टेलिभिजनमा ) कहिँ कतै प्रदर्शन नगर्नु नगराउनु भनि रोक्काको आदेश समेत जारी गरि पाऊँ भन्ने माग गरिएको छ ।

काठमाडौं जिल्ला अदालतकोप्रदर्शन रोक्न अन्तरकालिन आदेशफिल्म ‘एक्टर स टेक वन’को

प्रकाशित मिति: मङ्लबार, माघ १५, २०८१, ४:२७ बेलुका

लेखक: समाचारपाटी