गोविन्द तिमिल्सिना, हेमजा । लियो क्लब अफ हेमजाको आयोजनामा पोखरा २५ हेमजामा अन्तर बिद्यालय फुटबल प्रतियोगिता २०८० बुधबार सुरु भएको छ । प्रतियोगिता माघ १२ गतेसम्म गौरीशंकर खेल मैदानमा हुनेछ । प्रतियोगिताको उद्घाटन खेलमा धवलागिरी बोडिङ स्कुललाई ज्ञानसागर एकेडेमीले ५र२ गोलीले पराजित गरेको छ । ज्ञानसागरको तर्फबाट जर्सि न १३ का सक्षम रेग्मीले ३ गोल गर्नु भएको छ ।

प्रतियोगिताको दोस्रो खेलमा स्नो भ्यु बोडिङ स्कुलले अम्बिका माबिलाई ३र० गोलले पराजित गर्‍यो । त्यस्तै तेस्रो खेलमा बिष्णु पादुका माबिलाई गौरीशंकर माबिले ३र० गोलले पराजित गरेको छ । प्रतियोगिता अन्तरगत बिहीबार सेमिफाइनलका खेल हुनेछन् । पहिलो सेमिफाइनल ज्ञानसागर र हेमजा बोडिङ स्कुलले बिच हुनेछ । त्यस्तै दोस्रो सेमिफाइनल स्नो भ्यु बोडिङ स्कुल र गौरीशंकर माबि बिच हुनेछ । प्रतियोगिताको फाइनल शुक्रबार हुनेछ ।

खेलको उद्घाटन गर्दै प्रमुख अतिथि चिफ डिस्ट्रिक एडभाइजर प्रजापति बाँस्तोलाले खेल जीवन भएको बताउदै स्वास्थ्य रहन खेल आवश्यक रहेको बताउनु भयो । कार्यक्रममा सिम्रन थापाले धोजाको अभिबादन र अर्जुन अधिकारीले लियो पिलिज बाचन गर्नुभएको थियो ।

क्लबका अध्यक्ष मनोज त्रिपाठीको अध्यक्षतामा भएको कार्यक्रममा स्वागत प्रथम उपाध्यक्ष सुसान्त बाँस्तोलाले र सञ्चालन दिब्या त्रिपाठी र अस्मिता त्रिपाठीले गर्नु भएको थियो ।

फुटबल प्रतियोगिता

प्रकाशित मिति: बिहिबार, माघ ११, २०८०, ६:२१ बेलुका

लेखक: समाचारपाटी