इलाम । इलामको सूर्योदय नगरपालिका –४ मा रोकिराखेको पिकप ट्रकले किचेर २० महिने शिशुको मृत्यु भएको छ । सूर्योदय– ४ श्रीअन्तु, बाघ पाइलेका धिरज रिजालका छोरा रियन रिजालको मृत्यु भएको हो ।

सोमबार बेलुका घर अगाडि बाटोमा रोकेर राखेको गाडी स्टार्ट गरेर चलाउन खोज्दा दायाँतर्फको टायरमुनि रहेका शिशुको मृत्यु भएको प्रहरीले जनाएको छ ।

मे १ ज ३६२ नम्बरको पिकअप गाडीलाई चालक रेजन मगरले स्टार्टमा राखेर गाडी रोक्न राखिएको टायरमुनिको ढुङ्गा निकाल्न उत्रिएका थिए ।

ढुङ्गा निकाल्नासाथ गाडी गुड्दा शिशुलाई किचेको बताइएको छ । गाडी चालक मगरलाई श्रीअन्तु प्रहरी चौकीले नियन्त्रणमा लिएर अनुसन्धान सुरु गरेको प्रहरीले जनाएको छ ।

ट्रकले किच्दा शिशुको मृत्यु

प्रकाशित मिति: मङ्लबार, साउन २, २०८०, ११:२७ बिहान

लेखक: समाचारपाटी