इण्डोनेसियाको पश्चिम जाभा प्रान्तमा दुईवटा रेल एक आपसमा ठोक्किँदा तीन जनाको मृत्यु हुनुका साथै अन्य १० जनाभन्दा बढी घाइते भएका छन् । प्रान्तीय प्रहरी कार्यालयका प्रहरी प्रवक्ता सिनियर कमिश्नर इब्राहिम टोम्पोले स्थानीय सञ्चार माध्यम मेट्रोटिभीसँगको प्रत्यक्ष अन्तर्वार्तामा रेल चालक, उनका सहायक र एक कर्मचारीको मृत्यु भएको बताए । प्रान्तीय खोज तथा उद्धार कार्यालयका अपरेसन युनिटका प्रमुख सुप्रियोनोका अनुसार जाकार्ता समय अनुसार बिहान ६ः०३ बजे सिकालेङ्का रिजेन्सीमा रेल कम्युटर लाइन बान्डुङ्ग राया र तुरङ्गा रेल एक आपसमा ठोक्किएको हो । 
सिन्ह्वा

इण्डोनेसियारेल दुर्घटना

प्रकाशित मिति: शुक्रबार, पुस २०, २०८०, ५:२४ बेलुका

लेखक: समाचारपाटी