काठमाडौं । भारतीय सचिव विनयमोहन क्वत्रा काठमाडौं आइपुग्नुभएको छ। २ दिने नेपाल भ्रमणका लागि उहाँ भारतीय वायुसेनाको विशेष विमानबाट सोमबार काठमाडौं आइपुग्नुभएको हो।
परराष्ट्र मन्त्रालयका सचिव भरतराज पौडेलको निमन्त्रणमा नेपाल आइपुग्नुभएको उहाँले उच्चस्तरीय भेटवार्ता गर्नुहुनेछ। नेपाल बसाइका क्रममा उनले राष्ट्रपति विद्यादेवी भण्डारी, प्रधानमन्त्री पुष्पकमल दाहाल प्रचण्ड, परराष्ट्र मन्त्रीसहित राजनीतिक दलका प्रमुख, सरकारी उच्च अधिकारीलगायतसँग भेटघाट गर्ने कार्यक्रम रहेको छ।
सचिव क्वात्रा भारत सचिवस्तरीय उच्चस्तरीय संयन्त्रमा सहभागी हुनेछन्। सो छलफलपछि परराष्ट्र सचिव पौडेलले उनको सम्मानमा आयोजित ’लन्च’ कार्यक्रममा सहभागी हुनेछन् । परराष्ट्र सचिवले दिएको लन्चपछि भारतीय विदेश सचिव क्वात्राले परराष्ट्र मन्त्री विमला राईसँग द्विपक्षीय भेटघाट गर्नुहुनेछ।