काठमाडौं । नेपाल भ्रमणमा रहेका भारतीय विदेशमन्त्री डा. एस जयशंकरले पशुपतिनाथ मन्दिरमा पूजा गर्नुभएकाे छ। नेपाल–भारत संयुक्त आयोगको सातौँ बैठकमा भाग लिन बिहीबार काठमाडौं आएका विदेशमन्त्री जयशंकरले शुक्रबार बिहान पशुपतिनाथ मन्दिर परिसरमा रुद्राक्षको बिरुवा रोप्नुका साथै विशेष पूजा गर्नुभएकाे हाे।
पशुपतिनाथको दर्शन गरेपछि उहाँले मन आनन्दित भएको बताउनुभयाे। उहाँले नेपाल भारत सम्बन्ध र दुई देशका जनताको कल्याणका लागि प्राथना गरेको बताउनुभयाे ।
विदेशमन्त्री जयशंकरले भन्नुभयाे,'आज बिहान पशुपतिनाथ मन्दिरको दर्शन गर्न पाउँदा मन आन्दित भएको छ। नेपाल-भारत सम्बन्ध र हाम्रा दुई देशका जनताको कल्याणका लागि प्रार्थना गरेँ।'' भ्रमणका क्रममा विदेशमन्त्री डा.जयशंकरले यहाँको उच्च राजनीतिक नेतृत्वसँग बिहीबार शिष्टाचार भेटवार्ता गर्नुभएकाे थियाे। उहाँ आजै भारत फर्किने कार्यतालिका छन्।