नयाँदिल्ली ।  भारतीय वायुसेनाका सुखोई–३० र मिराज २००० विमान दुर्घटना भएको छ । यस दुर्घटनामा २ जनाको मृत्यु भएको छ । 

मध्य प्रदेशको मोरेनामा स्थानीय समयअनुसार बिहान साढे ५ बजे वायुसेनाको सुखोई–३० एमकेआई र मिराज–२००० विमान दुर्घटनाग्रस्त भएको रक्षा स्रोतले जानकारी दिएको छ । दुवै विमान ग्वालियर एयरबेसबाट उडेका थिए। 

घटनास्थलमा वायुसेनाका अधिकारी र जिल्ला प्रशासन कार्यालय पुगेका छन् । घटनाको जानकारी पाएलगत्तै प्रहरी र सेनाका अधिकारी घटनास्थलमा पुगेका थिए । घटनास्थलमा गाउँलेहरुको भीड जम्मा भएको छ ।

आकाशमै आगो बलेको थियो

प्रत्यक्षदर्शी गाउँलेका अनुसार विमानमा आकाशमै आगो लागेको थियो। त्यो देख्नेबित्तिकै जलिरहेको लडाकु विमान खसेको थियो । घटनास्थल नजिकै एक रेलवे स्टेशन पनि छ। यो लडाकु विमान आगराबाट उडेको बताइएको छ।

दैनिक भास्कर

विमान दुर्घटना

प्रकाशित मिति: शनिबार, माघ १४, २०७९, २:५८ बेलुका

लेखक: समाचारपाटी