काठमाडौं । भारत सरकारले पीएम इबस सेवा सञ्चालन गर्ने निर्णय गरेको छ । 

भारतीय प्रधानमन्त्री नरेन्द्र मोदीको अध्यक्षतामा बसेको मन्त्रीपरिषद्को बैठकले पीएम इबस सेवा नामक दिगो शहरी विकासका लागि विद्युतीय बस सञ्चालन गर्न अनुमति दिएको हो ।

योजनाका लागि ५७६ अर्ब भारु (करिव ६.९ बिलियन अमेरिकी डलर) स्वीकृत भएको छ । यस योजनाअन्तर्गत १६९ शहरमा विद्युतीय बस सञ्चालनका लागि प्रोत्साहन गरिनेछ ।

भारतीय खेलकुद, युवा मामिला र सूचना प्रशारणमन्त्री अनुराग ठाकुरले लगभग १० हजार नयाँ विद्युतीय बसहरु खरिद गरी सञ्चालन गर्न बजेट विनियोजन गरेको बताउनु भयो ।

उहाँले यो सेवा केन्द्र शासित प्रदेश, उत्तरपूर्वी राज्यहरु र पहाडी क्षेत्रहरुको राजधानीका ३ लाख बढी जनसंख्या भएका शहरहरुमा सञ्चालन हुनेछ । यस योजनाअन्तर्गत १८१ शहरमा चार्जिङ स्टेशनसँगै १० वर्षको अवधिका लागि विद्युतीय बस सञ्चालन हुनेछन् । 

भारतले पीएम इबस सेवाका लागि ५७६ भारु छुट्यायो

प्रकाशित मिति: शनिबार, भदौ २, २०८०, ७:१५ बेलुका

लेखक: समाचारपाटी