सांकेतिक फोटो
डोल्पा । डोल्पाको त्रिपुरासुन्दरी नगरपालिका २ मा पर्ने रसीमा माटोमा पुरिएर २ कामदार गम्भीर घाइते हुनुभएको छ।
आइतबार बिहान रसीस्थित माझगाउँभित्र झोलंगे पुल बनाउने क्रममा माटोमा पुरिएर जाजरकोट जिल्लामा पर्ने नलगार्ड नगरपालिका ५ का २ युवा घाइते हुनुभएको हो।
र स्थानीयले माटोमा पुरिएका उहाँहरूलाई निकालेको घाइतेका आफन्त लक्ष्मण शाहीले जानकारी दिनुभयो।
घाइते हुनेमा नलगार्ड नगरपालिका ५ का १८ वर्षीय दिपेन्द्र शाही र २१ वर्षीय बद्री शाही रहेको आफन्त लक्ष्मण शाहीले बताउनुभयो।
घाइते भएका २ मध्ये एकजनाको घुट्टामा फलाम छड छिरेको र अर्काको युवकको खुट्टा पुरै पिसिएको शाहीले बताउनुभयो।
घाइतेहरूको उद्धारका लागि त्रिपुरासुन्दरी नगरपालिकाबाट एम्बुलेन्ससहित प्रहरी टोली घटनास्थलतर्फ गएको छ।