बागलुङ । बागलुङमा ६५ प्रतिशत रोपाइँ सकिएको छ । कृषि ज्ञान केन्द्र बागलुङका अनुसार असार सकिदासम्म बागलुङमा ६५ प्रतिशत मात्रै रोपाइँ सकिएको हो । असार अन्तिमसम्म पनि मुलफुट्ने पानी नपरेपनि समय समयमा परिरहेको वर्षाको पानीको भरमा कृषक यतिबेला धान रोपाइँमा व्यस्त छन् ।

जिल्लामा ५ हजार ८ सय ८३ हेक्टर क्षेत्रफलमा धान खेति हुँदै आएको छ । असार ३१ गतेसम्म बागलुङमा ३ हजार ८ सयए २४ हेक्टर क्षेत्रफलमा धान रोपाइँ सम्पन्न भएको कृषि ज्ञान केन्द्र बागलुङका प्रमुख भानुभक्त भट्टराईले जानकारी दिनेभो ।

बागलुङका दश स्थानीय तहमध्ये गलकोट नगरपालिकामा सबैभन्दा छिट्टै रोपाइँ सुरु भएको थियो । प्रमुख भट्टराईले बागलुङ नगरपालिका, जैमिनी नगरपालिका र काठेखोला गाउँपालिकाका केहि स्थानमा रोपाइँ बाँकी रहेको बताउनुभयो ।

बागलुङमा हाल अधिकांशले परम्परागत धान लगाउने गरेका छन् । प्रमुख बाली धान भएपनि खडेरीका कारण रोप्ने काम ढिला भएको हो । बागलुङमा गत आर्थिक वर्षमा १८ हजार ६ सय ९० मेट्रिक टन धान फलेको कृषि ज्ञान केन्द्र बागलुङले जनाएको छ।

रोपाइँ सकियो

प्रकाशित मिति: मङ्लबार, साउन २, २०८०, ११:५८ बिहान

लेखक: समाचारपाटी