काठमाडौं । काठमाडौं उपत्यका र आसपासका क्षेत्रमा मौसममा आज केही सुधार आएको हो ।। लगातार दुई दिनसम्म बेलुकी परेको पानीका कारण केही दिनदेखि घुम्म भएको आकाश खुलेको छ । जल तथा मौसम पूर्वानुमान महाशाखाका अनुसार त्रिभुवन विमानस्थलको भिजिबिलिटीमा पनि सुधार भएको छ ।

भिजिबिलिटी कम हुँदा अस्ति विमानस्थलको उडान र अवतरण अवरुद्ध भएको थियो । हिजोसम्म १ हजार पाँच सयसम्म झरेको विमानस्थलको भिजिबिलिटी अहिले भने सामान्य अवस्थाजस्तै ४ हजार पुगेको छ ।

आज पनिकाठमाडौं उपत्यकामा बेलुकीपख हल्का पानी पर्ने सम्भावना रहेको महाशाखाले जनाएको छ ।यसैबीच काठमाण्डौसहित देशका विभिन्न ठाउँमा अस्तिदेखि परेको पानीले प्रदूषण केही घटेको छ ।

वर्षाले वायुमण्डलमा धेरै दिनदेखि थुप्रिएको घातक प्रदूषण घटाउन सहयोग पुगेको मौसमविद्ले बताएका छन् ।वायु गुणस्तर निगरानी गर्ने आईक्यू एअरसूचकमा विश्वकै प्रदुषित शहरमध्ये आज काठमाण्डौ १४ औँ नम्बरमा परेको छ ।

काठमाडौं आज आईक्यू एअर सूचकांक एक सय १४ रहेको छ । यसअघि केही दिनदेखि काठमाण्डौ विश्वकै प्रदूषित शहरमध्ये पहिलो, दोस्रो र तेस्रोमै रहँदै आएको थियो ।

प्रदूषण घट्योमौसममासुधार

प्रकाशित मिति: शुक्रबार, फाल्गुन ३०, २०८१, ११:२० बिहान

लेखक: समाचारपाटी