राष्ट्रिय सभामा विचाराधिन अध्यागमन विधेयक, २०७६ फिर्ता राष्ट्रिय सभाबाट फिर्ता भएको छ । सोमवार बसेको बैठकले बहुमतले राष्ट्रिय सभामा विचाराधिन अध्यागमन विधेयक, २०७६ फिर्ता गरेको हो । सभामा उपप्रधान एवं गृहमन्त्री नारायणकाजी श्रेष्ठले राष्ट्रिय सभामा विचाराधिन अध्यागमन विधेयक, २०७६ फिर्ता गरियोस् भन्ने प्रश्ताव सभासमक्ष प्रश्तुत गर्नुभएको थियो । प्रश्तावमाथि प्रमुख प्रतिपक्ष दल नेकपा एमालेका सांसदहरुले बिरोध जनाएका थिए । साथै सत्तारुढ दलका सांसद र स्वतन्त्र सांसदहरुले पनि संशोधन गर्नुपर्ने ठाउँमा सरकारले दोहोरो खर्च गर्न विधेयक फिर्ता लिनु नहुनेप्रति सरकारको ध्यानाकर्षण गराएका थिए । प्रश्तावमाथि सांसदहरुले आफ्ना धारणा राखिसकेपछि उपप्रधान एवं गृहमन्त्री श्रेष्ठले सांसदहरुले उठाएका प्रश्नको जवाफ दिनुभएको थियो । जवाफसँगै सभामा राष्ट्रिय सभा अध्यक्ष गणेशप्रसाद तिमिल्सिनाले विधेयकमाथिको प्रश्तावलाई सदनमा निर्णयार्थ प्रश्तुत गर्नुभएको थियो । 
उहाँले भन्नुभयो, राष्ट्रिय सभामा विचाराधिन अध्यागमन विधेयक, २०७६ फिर्ता गरियोस् भन्ने प्रश्ताव बहुमतले स्वीकृत भइ सभाबाट उक्त अध्यागमन विधेयक, २०७६ फिर्ता भएको घोषणा गर्दछु ।’

—न्युज एजेन्सी नेपाल  

अध्यागमन विधेयकराष्ट्रिय सभा

प्रकाशित मिति: मङ्लबार, फाल्गुन १५, २०८०, १:०८ बेलुका

लेखक: समाचारपाटी