काठमाडौं । बालिका बलात्कारका अभियुक्त सन्दीप लामिछानेलाई राष्ट्रिय क्रिकेट टोलीबाट खेलाइएकोमा संसद्मा विरोध भएको छ।
राष्ट्रिय स्वतन्त्र पार्टीकी सांसद सुमना श्रेष्ठले बुधबार प्रतिनिधि सभा बैठकमा भन्नुभयो, “बलात्कार आरोपीलाई राष्ट्रको प्रतिनिधित्व गराउन हाम्रो नैतिकताले कसरी दियो ?”
अभियुक्तलाई देशको प्रतिनिधित्व गराउँदा पीडितलाई मानसिक आघात पर्न सक्ने उहाँको भनाइ छ। “यस्तो प्रकरणले गर्दा पीडितलाई झनै ठूलो मानसिक अवसादमा धकेल्ने जोखिम बढेको छ,” , “आरोप लागेका मान्छेले राष्ट्रको प्रतिनिधित्व गर्दा पीडितको मानसिक अवस्था कस्तो होला?”
धरौटीमा रिहा भएका अभियुक्त लामिछानेलाई नेपाल क्रिकेट संघले राष्ट्रिय टीमबाट खेलाएको छ।