काठमाडौं । गृहमन्त्री नारायणकाजी श्रेष्ठले नक्कली वस्तु र कालोबजारी नियन्त्रण गरी उपभोक्तालाई गुणस्तरीय वस्तु उचित मूल्यमा उपलब्ध गराउन प्रतिवद्ध रहेको बताउनुभएको छ । 

बिहीवार नेपाल राष्ट्रिय व्यवसायी महासंघसँग गृहमन्त्रीसहित सुरक्षा निकायका उच्च अधिकारीहरुसँग नक्कली वस्तु बेचबिखन,कालोबजारी नियन्त्रण र गुणस्तर अनुगमनका विषयक छलफल कार्यक्रमलाई सम्बोधन गर्दै उपप्रधान तथा गृहमन्त्री श्रेष्ठले यस्तो बताउनुभएको हो । उहाँले नक्कली वस्तु र कालोबजारी नियन्त्रण गरी उपभोक्तालाई गुणस्तरिय वस्तु उचित मूल्यमा उपलब्ध गराउने विषयमा सरकारी निकायहरुले दत्तचित भएर काम गर्नुपर्ने आवश्यकता रहेको बताउनु भयो । उहाँले सरकारले विगतका सकारात्मक कामहरुलाई निरन्तरता दिँदै उद्योग व्यवसाय क्षेत्रका समस्याहरु पहिचान गरेर कमजोरीलाई सच्याएर समस्यालाई समाधान गर्न प्रभावकारी कदम चाल्नुपर्ने आवश्यकता रहेको बताउनु भयो ।

उहाँले यसको लागि सरकारी निकायहरु, विभिन्न उद्योग व्यवसायीहरु र उपभोक्तावादी संस्थाहरु छलफल गर्ने प्रभारम्भिक छलफलको शुरुवात गरेको बताउनु भयो । गृहमन्त्री श्रेष्ठले जसले कानूनको उल्लङ्घन गरेर बेथिति ल्याउने काम गर्छ उसलाई सरकारले कुनै हालतमा छुट नदिने उल्लेख गर्नुभयो । उहाँले कानूनको पालना नगर्नेहरुलाई अनुगमन गरी कडा कदम चाल्ने बताउनु भयो। उहाँले गुणस्तरिय वस्तुहरु सहज  रुपमा उचित मूल्यमा उपलब्धतामा समस्या रहेको बताउनु भयो । उहाँले अर्थतन्त्रलाई लयमा ल्याएर मुलुकको अर्थतन्त्रलाई चलायमान बनाउँदै अर्थतन्त्रलाई सुधार गरेर समृद्धको लक्ष्यमा पुग्न पनि समस्या रहेको बताउनु भयो । 

उहाँले भन्नुभयो,‘यहाँ वस्तुहरु गुणस्तरमा पनि समस्याहरु छन् । सहज उपलब्धमा पनि समस्या छ । मूल्यमा पनि समस्या छ भन्ने कुराहरु पनि आइरहेका छन् । तर हामीले अर्थतन्त्रलाई लयमा ल्याएर मुलुकको अर्थतन्त्रलाई चलायमान बनाउँदै अर्थतन्त्रलाई सुधार गरेर समृद्धको लक्ष्यमा पनि केही समस्याहरु देखापरेका छन् । कसरी राज्यलाई सृदृढ बनाउने,अर्थतन्त्रलाई कसरी लयमा ल्याउन सक्ने र सबै कुरालाई समन्वयात्मक रुपमा अगाडि बढाउने र अर्कोतिर उद्योग व्यवसायमा जहाँ अनियमितता भएको छ । त्यहाँ सरकारले ठिक ढङ्गले अनुगमन गर्नु पर्ने छ भने भन्सारमा पनि समस्याहरु रहेका छन् । त्यो समस्यालाई पनि सम्बोधन गर्नुपर्ने छ । त्यसैले सबै क्षेत्रमा जहाँ जहाँ समस्या छन्। त्यो समस्या समाधान गर्ने त्यसलाई समाधान गर्नका निम्ति आवश्यक पहलकदमी ढिलो नगरी गर्नु पर्ने आवश्यकता छ ।

विगतका सकारात्मक कामहरुलाई निरन्तरता दिँदै उद्योग व्यापारमा हाम्रा समस्याहरु कहाँ छन् । त्यसलाई पहिचान गरेर कमजोरीलाई सच्याउने समस्यालाई समाधान गर्न प्रभावकारी कदम चाल्नुपर्ने आवश्यकता छ । यसको लागि सरकारी निकायहरु उपभोक्तावादी संस्थाहरु विभिन्न उद्योग व्यवसायीहरुसँग छलफल गर्ने प्रभारम्भिक छलफल कार्यक्रमको शुरुवात हो । जसलाई समस्या परेको छ, जहाँ कानूनको उल्लङ्घन गर्ने र बेथितिलाई छुट नदिने गरी प्रभावकारी रुपमा कदम चाल्नुपर्ने अवस्था छ । सरकारले बजार अनुगमन,नक्कली वस्तु र कालोबजारीलाई कसरी नियन्त्रण गर्ने देखि उपभोक्ताले कसरी गुणस्तरिय वस्तु सामान सहज रुपमा उचित मूल्यमा उपलब्ध गराउने विषयमा सरकारी निकायहरुले दत्तचित भएर काम गर्नुपर्ने भएको छ ।’

उहाँले राज्यलाई सृदृढ बनाउने,अर्थतन्त्रलाई कसरी लयमा ल्याउनसक्ने र सबै कुरालाई समन्वयात्मक रुपमा अगाडि बढाउन सरकार लागि रहेको बताउनु भयो। उहाँले उद्योग व्यवसायमा अत्याधिक अनियमिता रहेको भन्दै उक्त बेथितिलाई सरकारले ठिक ढङ्गले अनुगमन गर्ने बताउनु भयो । 

गृहमन्त्री नारायणकाजी श्रेष्ठ

प्रकाशित मिति: बिहिबार, साउन ४, २०८०, ४:३४ बेलुका

लेखक: समाचारपाटी