काठमाडौं । मिथिलामा आज होली मनाइएको छ । आज बुधवार मिथिला क्षेत्रका साथै मधेस प्रदेशका केही जिल्लाहरुमा होली मनाइएको हो ।

आज बुधवार मिथिला क्षेत्रका साथै मधेस प्रदेशका केही जिल्लाहरुमा होली मनाइएको हो । जनकपुरमा मध्यमा परिक्रमाको भोलिपल्ट मात्रै होली मनाउने गरिएअनुसार आज मात्रै होली मनाइएको जिल्ला प्रशासन कार्यालय धनुषाका पमुख जिल्ला अधिकारी काशीराज दाहालले बताउनु भयो ।

उहाँले मधेस प्रदेशका धेरै जिल्लाहरुमा आज हर्षोल्लासपूर्वक होली मनाइरहेको बताउनु भयो । होलीलाई व्यवस्थित बनाउन सुरक्षा व्यवस्था कडा बनाउनुका साथै १२ बजेपछि मदिरासम्बन्धी पसलहरु बन्द गर्न निर्देशन दिएको र जथाभावी होली खेल्नेहरुलाई नियन्त्रणमा लिन प्रहरी प्रशासनलाई निर्देशन दिइएको पनि बताउनु भयो । उहाँले आज बिहानैदेखि मालपुवा, दही लगायतका मिठा परिकारहरु खाएर होली मनाएको बताउनु भयो ।

उहाँले भन्नुभयो, ‘मधेस प्रदेशका धेरै जिल्लाहरुमा आज हर्षोल्लासपूर्वक होली मनाइरहेको छ । बिहानैदेखि मालपुवा, दही, मिठो, मिठो परिकार बनाइ खाएर मनाउँदै छौँ । होलीका लागि सभ्य, भव्य बनाउनका लागि सुरक्षा व्यवस्था कडा पारेका छौँ । १२ बजेपछि मदिरासम्बन्धी पसलहरु बन्द गर्न निर्देशन दिएका छौँ । जथाभावी होली खेल्नेहरुलाई नियन्त्रणमा लिइनेछ ।’

त्यस्तै स्थानीहरुले सबैकुरा बिर्सिएर एक अर्कामा रङ दलेर होली मनाउँदा खुशी लाग्ने गरेको बताए । उनीहरुले । १५ दिने मध्यमा परिक्रमा सकिएको भोलिपल्ट मनाउने परम्पराअनुसार आज होली मनाइरहेको बताए ।

उनीहरुले होेली पर्व असत्यमाथि सत्यको जितको रुपमा मनाउने वैदिक सत्य सनातन हिन्दु धर्मावलम्वीहरुको ठूलो पर्व रहेको बताए । देशका पहाडी भूभागमा भने फागुन २२ गते सोमवार होली मनाइएको थियो ।

मिथिलामा आज होली

प्रकाशित मिति: बुधबार, फाल्गुन २४, २०७९, २:५८ बेलुका

लेखक: समाचारपाटी